Halyqtyń qalyń kópshiligine turǵyn úı qurylysy baǵdarlamasyna qatysý múmkindikteri qamtylady - Parlament
ASTANA. 21 maýsym. QazAqparat - Búgin QR Parlamenti Senatynyń jalpy otyrysynda «Qazaqstan Respýblıkasyndaǵy turǵyn úı qurylysy jınaq aqshasy týraly» QR zańyna ózgerister men tolyqtyrýlar engizý týraly» QR Zańy qabyldandy.
Atalǵan zań jobasy Memleket basshysy N. Nazarbaevtyń 2010 jylǵy halyqqa Joldaýynda júktelgen mindetterdi júzege asyrýǵa baǵyttalǵan. Al qujatty qabyldaýdaǵy maqsat - turǵyn úı zaemdaryn berý jáne jınaqtalǵan turǵyn úı qurylysy jınaq aqshasyn paıdalaný tetikterin jetildirý bolyp tabylady. Sondaı-aq, halyqtyń qalyń kópshiligine turǵyn úı qurylysynyń memlekettik jáne salalyq baǵdarlamalaryna qatysý múmkindikterin qamtamasyz etý máseleleri de osy zańmen retteledi.
«Qujat búgingi kúni iske asyrylyp jatqan turǵyn úı qurylysy baǵdarlamasyna jáne jańadan ázirlengen «Qoljetimdi turǵyn úı-2020» baǵdarlamasyna halyqtyń qalyń jigin qatystyrý úshin jaǵdaı qalyptastyrýdy kózdeıdi. Budan bólek, el azamattarynyń turǵyn úıge qoljetimdiligin arttyrý maqsatynda turǵyn úı-jınaq júıesin odan ári damytý sharalary qamtylyp otyr. Bul rette qoldanystaǵy zańnamada bıýdjettik qarajat esebinen aldyn ala jáne aralyq turǵyn úı zaemdaryn berý azamattardyń belgili bir sanatyna (jas otbasylarǵa, memlektetik qyzmetkerlerge, bıýdjettik uıym men kásiporyn qyzmetkerlerine) ǵana qarastyrylǵan bolatyn. Sondyqtan da, zań jobasyna sáıkes bundaı qaryzdar halyqtyń keń tobyna beriledi jáne qoldanystaǵy shekteýler alynyp tastalady. Bul rette ózgeris Qazaqstannyń barlyq azamattaryn qamtıtyn bolady», - deıdi zań jobasy týraly baıandaǵan Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın.
Onyń aıtýynsha, zań normalary boıynsha turǵyn úı jınaq aqshasyn jınaqtaý merzimi 5 jyldan 3 jylǵa deıin tómendjitegen. Atalǵan merzim ótken soń salymshy memlekettiń syılyqaqysyn alýǵa quqyly bolady. Munyń ózi jınaqtaýdy yntalandyrýǵa, onyń ishinde aqshany turǵyn úı zaemdaryn alýǵa paıdalaný maqsatynda jınaqtaýǵa qolaıly jaǵdaı týǵyzbaq.
Budan bólek, atalǵan zań aldyn ala turǵyn úı zaemy men aralyq turǵyn úı zaemyn, sondaı-aq bir banktik zaem shartynyń sheńberinde turǵyn úı zaemdaryn rásimdeý tártibin de qarastyrady. Bul turǵyn úı zaemdarynyń barlyq túrlerin berý rásimin aıtarlyqtaı jeńildetip, onyń ózindik qunyn da tómendetýge septigin tıgizedi.
