Halyqtyń qalaýy - tynyshtyq, beıbitshilik, tatýlyq - Májilis depýtaty A.Tasbolatov

ASTANA. QazAqparat - Elimizdiń basty baǵdary bolǵan «Máńgilik El» ıdeıasy men «Nurly Jol» baǵdarlamasynda aıtylǵandaı, halyqtyń qalaýy - tynyshtyq, beıbitshilik, tatýlyq. Bul týraly «Egemen Qazaqstan» gazetinde Parlament Májilisiniń depýtaty, general-leıtenant, tarıh ǵylymdarynyń doktory, professor, «Nur Otan» partııasynyń múshesi Abaı Tasbolatov óz pikirin bildirdi.

«Bıylǵy jyldyń 14 aqpan kúni Qazaqstan halqy Assambleıasynyń Keńesi Qazaqstanda kezekten tys prezıdenttik saılaý ótkizý týraly bastama kótergeni bar­shamyzǵa aıan. Jalpy, Qazaqstan halqy Assambleıasynyń bul usy­nysyn ózim júrgen jerlerde qa­­lyń buqaranyń, ıaǵnı bar­sha ha­­­lyq­tyń, zııaly qaýym ókil­deri­niń biraýyzdan qoldap, oń pikir bil­dirip jatqanynyń kýási boldym», - dedi ol.

«Búginde álemdegi qarjylyq qıynshylyqtar men geosaıası jaǵdaı, turaqsyzdyq ornaǵan Ýkraınadaǵy áskerı qaqtyǵystar tusynda Qazaqstan óziniń qar­qyn­dy damý jolyn tańdap aldy. Elimizdiń basty baǵdary bolǵan «Máńgilik El» ıdeıasy men «Nurly Jol» baǵdarlamasynda aıtylǵandaı, halyqtyń qalaýy - tynyshtyq, beıbitshilik, tatýlyq. Al buǵan áskerı adam retinde aı­ta­rym, elimizdegi tatýlyq pen beıbit­shiliktiń turaqty kepili bola bil­gen Elbasy -Táýelsiz Qazaqstan Qarýly Kúshteriniń negizin ­salýshy», - dep atap ótti Abaı Tasbolatov.

Onyń aıtýynsha, Prezıdent N.Á.Nazarbaev Qarýly Kúshterdiń memleket ómirindegi róli men mańyzyn tereń túsinip, táýelsiz eldiń qorǵanys salasynyń qalyptasýy men damýyna tikeleı basshylyq etip keledi. Táýelsizdik ornaǵannan beri qaraı Tuńǵysh Prezıdentimiz eldiń Qarýly Kúshteriniń qalyptasýyna belsene aralasyp, ony zamana talaptaryna saı joǵary sapada jetildirý máselesin basty nazarda ustaýda. Sonyń arqasynda elimizde tynyshtyq ornaǵan. «Sondyqtan biz de «Nur Otan» partııasynyń múshesi retinde Qazaqstan halqy Assambleıasynyń bul bastamasyn tolyqtaı quptaıtynymdy jetkizemin», - dep túıdi sózin Májilis depýtaty.