Halyqtyń Internet jáne mobıldi bankıng arqyly tranzaktsııalary 3 ese ósti - UB
ASTANA. QazAqparat - Halyqtyń Internet jáne mobıldi bankıng arqyly tranzaktsııalary úsh ese ósti. Bul týraly búgin Úkimet otyrysynda QR Ulttyq bank tóraǵasy Danııar Aqyshev aıtty, dep habarlaıdy QazAqparat tilshisi.
«Ótken jyly tólem kartochkalarymen qolma-qol emes operatsııalar kólemi 6,4 trln teńgege deıin (eki ese) ósti. Halyqtyń Internet jáne mobıldi bankıng arqyly tranzaktsııalary úsh ese ósti. Kún saıyn bul arnalar arqyly 8,6 mlrd teńge somaǵa 500 myń operatsııa júrgiziledi. Ulttyq bank 7 aqpanda «Suńqar» mezettik tólem júıesin iske qosqanyn aıtty. Búginde 3 bank qyzmet kórsetýde», - dedi UB tóraǵasy.
Sonymen qatar ol kredıt berý naryǵy qalpyna kele bastaǵynyn aıtty.
«Ótken jyly jańa kredıtter berý 24 paıyzǵa nemese 2,6 trln teńgege ósti. Ekonomıkany kredıtteýdiń jyldyq ósýi 7 paıyzǵa nemese 884 mlrd teńgege baǵalanady. Kásiporyndarǵa teńgemen kredıtter boıynsha stavka jyl basynda 13,2 paıyzdan jeltoqsanda 11,7 paıyzǵa deıin tómendedi», - dedi D.Aqyshev.
