Halyqtyń dinı saýatyn arttyrý jumystary belsendi júrgizilýi kerek - Darhan Káletaev
Meshitti aralaý barysynda mınıstr Bas múftı Serikbaı qajy Orazben, meshittiń bas ımamy Naýryzbaı qajy Taǵanuly jáne naıb-múftı Baýyrjan Esmahanmen kezdesti. Dinı basqarma basshylary meshittiń jumysymen jáne onyń sáýlet erekshelikterimen tanystyrdy.
Darhan Káletaev qulshylyq bólmeleri men oqý-aǵartýshylyq baǵyttaǵy toptardyń oqý zaldaryn, sondaı-aq QMDB janyndaǵy «Hıkmet» telearadıo stýdııasynyń jumysymen tanysty.
Osydan keıin mınıstr ımamdar jáne dinbasylarmen kezdesý ótkizdi. Darhan Káletaev qoǵamdaǵy rýhanı qundylyqtardy damytý boıynsha tıimdi aqparattyq-túsindirý jumystaryn júrgizýdiń mańyzdylyǵyn atap ótti jáne ımamdardy halyqtyń dinı saýattylyǵyn arttyrý jumystaryna belsendi qatysýǵa shaqyrdy.
Budan bólek, QR Din isteri jáne azamattyq qoǵam mınıstri Qazaqstan musylmandary dinı basqarmasynyń jańa ǵımaratynyń qurylysymen tanysty.
Múftııattyń ákimshilik ǵımaratynyń qurylysy 2015 jyly bastalǵan. Ǵımarat «Áziret Sultan» meshite qarama-qarsy ornalasqan jáne shamamen 1,2 gektar jerdi alyp jatyr. Ǵımarattyń jalpy aýdany 12 myń sharshy metrdi quraıdy, jeke bólmeleri, májilis zaly jáne dinı qyzmetkerlerge arnalǵan sport kesheni bar. Onyń aýmaǵynda rýhanı ádebıettermen jabdyqtalǵan kitaphana jáne múftııat qyzmetkerlerine arnalǵan jataqhana qarastyrylǵan.
