«Halyqtyń bıýdjetke qatysýy» jobasynyń iske asýy turǵyndarǵa baılanysty – Erbolat Dosaev
ALMATY. QazAqparat - «Halyqtyń bıýdjetke qatysýy» jobasy almatylyqtarǵa qalada óz jobalaryn júzege asyrýǵa múmkindik beredi. Bul týraly qala ákimi Erbolat Dosaev málim etti, dep habarlaıdy QazAqparat tilshisi.
Qala ákiminiń Áýezov aýdanynyń turǵyndarymen kezdesýi barysynda qala turǵyny «Grandpark» turǵyn úı kesheniniń 8 jáne 9 bloktary arasynda úlken bos keńistik bar ekenin, sonda sport alańyn salýǵa bolatynyn surady.
«Halyqtyń bıýdjetke qatysýy» jobasynyń iske asýy ákimdikke baılanysty» degen sózdiń barlyǵy bos sóz. Shyn máninde kóp nárse sizderge, ıaǵnı, turǵyndarǵa baılanysty. Menińshe, qazir bul joba jaıly kóp adam biledi. Ótinemin, sizder jınalyńyzdar, ol jerge ne salǵylaryńyz keletini týraly ótinish jazyńyzdar. Men sizderden belsendilik tanytyp, jobaǵa kelesi jyly qatysýdy suraımyn. Áýezov aýdanynyń ákimdigi qarjy bólip, jobany daıyndap, ony iske asyrady» – dedi Erbolat Dosaev.
