Halyqtyń basyn kóp qatyrmaý qajet - Saǵyntaev
ASTANA. QazAqparat - QR Premer-Mınıstri Baqytjan Saǵyntaev áleýmettik kómekti jańa formatqa aýystyrý jumystaryn xalyqqa durys túsindirýdi tapsyrdy, dep xabarlaıdy QazAqparat tilshisi.
«Halyq áleýmettik kómek salasyndaǵy ózgeristerdi túsinýi kerek. Sondyqtan ony el azamattaryna durys jetkizýimiz shart. Bıyl biz mindetti áleýmettik medıtsınalyq saqtandyrý júıesin de engizeıin dep jatyrmyz. Kelesi jyldan bastap áleýmettik kómek boıynsha ózgerister bolady. Halyq sonyń barlyǵyn shatastyrmaýy qajet. Adamdarǵa barlyǵy túsinikti bolǵan jón. Mindetti áleýmettik medıtsınalyq saqtandyrý bylaı bolady, ataýly áleýmettik kómek bylaı bolady dep, anyq-qanyǵyn aıtý qajet. Halyq tarapynan suraqtar týyndamaýy tıis», - dedi Saǵyntaev Úkimettiń búgingi otyrysynda.
Osy oraıda Úkimet basshysy jumyspen qamtý ortalyqtaryna basa nazar aýdarý qajettigin jetkizdi. Sebebi ol jerde kásibı mamandar eńbek istese, xalyqqa túsindirý jumystaryn sapaly túrde júrgizýge bolady.
Aıta keteıik, kelesi jyldan bastap Qazaqstanda ataýly áleýmettik kómektiń jańa formaty engiziledi. Sonyń aıasynda járdemaqylar 25 paıyzǵa artady. Alaıda atalǵan kómektiń ózindik sharttary bar.
