Halyqtyń basym bóligi kirister men múlikterdi jalpyǵa birdeı deklaratsııalaýǵa daıyn emes - Erlen Badyhan
ALMATY. QazAqparat - Qazaqstan halqynyń basym bóligi kirister men múlikterdi jalpyǵa birdeı deklaratsııalaýǵa daıyn emes.
Bul týraly búgin Almatyda ótken «Kiristerdi deklaratsııalaý: qoldaýshylar men qarsylar» atty dóńgelek ústel barysynda Investıtsııalardyń tıimdiligin zertteý boıynsha agenttiktiń aǵa sarapshysy Erlen Badyhan málimdedi.
Onyń aıtýynsha, qazirgi tańda halyqtyń jartysyna jýyǵy - jumyssyzdar. Dálirek, olar qoldarynan kelgen jumystardy jasaıdy.
«Biraq olar resmı túrde jumyssyzdar bolyp sanalmaıdy. Resmı statıstıka boıynsha elimizde jumyssyzdyq deńgeıi 5% sál ǵana astam. Deı turǵanmen, bizde jumyssyzdar sany kóp. Al Qazaqstanda batys elderindegi úlgi boıynsha kirister men múlikterdi jalpyǵa birdeı deklaratsııalaý júıesi engizileıin dep otyr. Biraq batys elderiniń halqy men Qazaqstan halqynyń alatyn tabystaryn salystyrýǵa tipti kelmeıdi», - dedi Erlen Badyhan.
Esterińizge sala keteıik, «QR keıbir zańnamalyq aktilerine Qazaqstan azamattary men mekendeý qaǵazdary bar tulǵalardyń kiristeri men múlikterin deklaratsııalaý máseleleri boıynsha ózgerister men túzetýler engizý týraly» Zań jobasyna sáıkes, deklaratsııany 2015 jyldan bastap kezeń-kezeńmen engizý josparlanýda.
