Halyqtyń baspanaǵa qoljetimdiligin arttyrý maqsatynda aldaǵy úsh jylda jalǵa beriletin 13 600 páter salynady - UEM
ASTANA. QazAqparat - Halyqtyń turǵyn úıge qoljetimdiligin arttyrý maqsatynda 2016-2018 jyldary jalǵa beriletin, 817 myń sharshy metrdi quraıtyn 13 600 páter salynady nemese satyp alynady.
Bul týraly búgin Parlament Májilisindegi Daǵdarysqa qarsy sharalarǵa arnalǵan Úkimet saǵatynda QR Ulttyq ekonomıka mınıstri Erbolat Dosaev osylaı málim etti.
«Budan bólek, «Turǵyn úı qurylys jınaq banki» AQ klıentteriniń salymyna qatysty ótemaqyny qamtý qarastyrylady. Bul rette Úkimet rezervinen 2016 jyly 20,9 mlrd, 2017 jyly 16 mlrd teńge bólý kózdelip otyr. Sonymen qatar, Turǵyn úı qurylysy salasynda úlestik salymdardy kepildendirý qoryn qurý maqsatynda «Báıterek» holdınginiń jarǵylyq kapıtaly on mıllıard teńgege artady», deıdi E. Dosaev.
