Halyqtyń banktik depozıtteri boıynsha usynylatyn eń shekti syıaqy mólsherlemeleri ózgermeıdi

Bul týraly «Qazaqstannyń depozıtterge kepildik berý qory» AQ Taldaý jáne qoǵamdyq baılanystar departamentinen habarlady.

«Qazaqstannyń depozıtterge kepildik berý qory» AQ (budan ári mátin boıynsha - Qor) bankterge usynylatyn jeke tulǵalardyń depozıtteri boıynsha eń shekti syıaqy mólsherlemelerin burynǵy deńgeıde qaldyrdy: teńgedegi nomınaldy jyldyq syıaqy mólsherlemesi - 9%, shetel valıýtasyndaǵy nomınaldy jyldyq syıaqy mólsherlemesi - 4,5%. Bul sheshim Qordyń Dırektorlar keńesimen qabyldandy (25.10.2013 j. hattama).

Qor bankterge jeke tulǵalardyń depozıtteri boıynsha ornatylǵan syıaqy mólsherlemelerin bankterdiń depozıttik saıasatyn naryqtyń ınvestıtsııalyq múmkindigimen jáne aqsha-kredıt saıasatynyń baǵytymen sáıkestendirý maqsatynda asyrmaýdy usynady. Qormen usynylatyn syıaqy mólsherlemeleri toqsandyq negizde qaıta qaraý quqyǵymen, jáne depozıt naryǵynyń konıýnktýrasynyń kúrt ózgerýi jaǵdaıynda qaıta qarastyrý quqyǵymen engiziledi. Sonymen birge, mólsherlemeler tek jańadan jasalatyn kelisim-sharttarǵa belgilengen jáne buǵan deıin jasalǵan kelisim-sharttarǵa qoldanylmaıdy.

Banktiń depozıt boıynsha usynatyn syıaqy mólsherlemelerine qaramastan, Qor jeke tulǵalardyń (sonymen qatar jeke kásipkerlerdiń) depozıtterge kepildik berý júıesine qatysýshy bankterde ornalastyrylǵan barlyq depozıtterine kepildik beredi. Banktiń májbúrlep taratylǵan jaǵdaıynda Qor banktiń salymshylaryna kepildik berilgen ótemdi tóleıdi, kepildik berilgen ótemniń eń joǵarǵy mólsheri bes mıllıon teńge.