Halyqtyń áleýmettik ál-aýqatynyń arta túsýine Elbasymyz úlken mán berip otyr - professor M.Mahanov
ASTANA. 4 shilde. QazAqparat - Halyqtyń áleýmettik ál-aýqatynyń arta túsýine Elbasymyz úlken mán berip otyr.
Bul týraly Q.I.Sátbaev atyndaǵy QazUTÝ-dyń Ǵylymı-tehnıkalyq baspa ortalyǵynyń dırektory, professor, QR Mádenıet qaıratkeri, QR Jýrnalıster odaǵynyń múshesi Muhtar Mahanov óz pikirin osylaısha bildirdi.
«QR Prezıdenti N.Á. Nazarbaevtyń Qazaqstan halqyna 2011 jylǵy Joldaýynyń strategııalyq máni asa zor ekeni belgili. Sebebi, Joldaýda Táýelsizdigimizdiń 20 jyldyǵy qorytyndylanyp, bolashaqtaǵy onjyldyqtyń baǵyt-baǵdarlary belgilengen edi. Joldaýda kóterilgen máseleler retine qaraı oryndalýda. Sonyń biri - halyqtyń áleýmettik jaǵdaıyn kóterý jáne tabysyn arttyrý. Zeınetaqy men bıýdjettik sala qyzmetkerleriniń eńbekaqysy eki jyl buryn eki ret 25 paıyzǵa ósirilgeni belgili. Ústimizdegi jyldyń 1 qańtarynan zeınetaqy men shákirtaqy 30 paıyzǵa kóterildi. Al bıýdjettik sala qyzmetkerleriniń eńbekaqysy 1 shildeden bastap 30 paıyzǵa ósip otyr. Bul bizdiń elimizde halyqtyń áleýmettik ál-aýqatynyń árqashan basty nazarda bolatyndyǵynyń kórinisi. Osy máselege Elbasymyz úlken mán berip otyr. Bıýdjettik sala qyzmetkerlerine osyndaı qamqorlyq jasalyp otyrǵany bizdi qýantady. Joldaýda sonymen qatar, joǵary oqý oryndarynda ǵylymdy damytýǵa túbegeıli ózgerister jasaý jáne mamandar daıarlaýǵa talapty kúsheıtý josparlanǵan edi. Bul máseleler de óz retimen sheshilýde. Bul bizdiń joǵary oqý oryndarymyzdyń álemdik deńgeıdegi oqý oryndarynyń qataryna qosylýyna, mamandarymyzdyń álemde tanylýyna ońdy áserin tıgizedi dep oılaımyn», - dedi professor M.Mahanov.
