Halyqtyń ál-aýqaty burynǵydan kóp joǵary - senator S.Aqylbaı
TANA. 31 tamyz. QazAqparat /Aıdar Ospanalıev/ - «Elbasy men «Nur Otan» partııasynyń saıasatyn qoldaı otyryp, halyqtyń áleýmettik jaǵdaıyn arttyrýǵa úles qosamyz»,
dedi búgin Parlament Senatynyń jańadan saılanǵan depýtaty Serik Aqylbaı Ortalyq saılaý komıssııasynyń otyrysynan soń jýrnalısterge bergen suhbatynda.
«Halyqtyń seniminen shyǵý úshin úlken eńbek etýimiz kerek. Sonyń barlyǵyn sezinip, saılaý aldynda birshama qobaljyǵanymyz ras. Biraq bizdiń uzaq jyldyq tájirıbemiz bar. Jalpy men Elbasy men «Nur Otan» partııasyn qoldaımyn. Óıtkeni osy partııa arqyly saılaýǵa tústim. Sondyqtan osy partııa men Memleket basshysynyń saıasaty qoldaı otyryp, halyqtyń ál-aýqatyn arttyrýǵa úles qosa otyryp, tıisti zańdar qabyldaımyz degen oıdamyn»,-dedi depýtat.
Onyń sózine qaraǵanda, Parlamentte zańdar arnaıy baǵdarlamaǵa sáıkes qabyldanýda. «Jalpy qaralǵaly turǵan zańdardyń kópshiligi bizdiń ekonomıkamyzǵa baılanysty. Sot júıesin ózgertýge qatysty birshama keleńsiz jaǵdaılardyń bolǵany málim. birqatar zańdar qazir osy máselege baılanysty da qabyldanyp jatyr»,-dedi senator.
Onyń pikirinshe, búginde halyqty sonyń ishinde, ásirese, aýyl halqyn kishi bıznestegi qarjylaı kómekterdiń tıisti jerine jetpeı jatqandyǵy qatty tolǵandyrady. «Ony biz tıisti organ basshylaryna jetkizemiz. Aýylda basqa da áleýmettik máseleler bar. Sondyqtan senatorlar atqaratyn sharalar óte aýqymdyp. Degenmen bizdiń baıqaǵanymyz, halyqtyń ál-aýqaty burynǵydan kóp joǵary jáne kóńil-kúıleri de jaqsy»,-dedi S.Aqylbaı.
