Halyqtyń 200 mln teńgesin qoldy etken kelinshek ustaldy
ALMATY. QazAqparat - Almaty polıtsııasy Qytaı men Qyrǵyzstannan taýar ákep berem dep alaıaqtyqpen aınalysqan áıeldi ustady, dep habarlaıdy QazAqparat tilshisi.
37 jastaǵy kelinshek Qazaqstannyń túkpir-túkpirinde talaı adamdy san soqtyryp ketken. Qalalyq polıtsııa departamentiniń habarlaýynsha, ol halyqty «Qytaı men Qyrǵyzstannan taýar tasıtyn «kanalym» bar» dep sendirgen.
«37 jastaǵy áıel arzan taýar ákelip berem dep adamdardyń senimine kirip júrgen. Osylaısha ol bızneske aqsha salýǵa shaqyrǵan. Óziniń bıznes kanalynyń tıimdi ekenin, arzan taýar ákep beretinin aıtqan. Tergeý barysynda onyń jalpy alǵanda 200 mln teńgeni qoldy etkeni anyqtaldy. Tek bizdiń aýdannyń ózinde 20 qylmysqa qatysy bar bolyp shyqty», - dedi Almaly aýdandyq polıtsııa basqarmasy basshysy Danııar Mendebaev.
Búginde atalmysh áıelge qatysty QR QK 190-babynyń 4-bólimi boıynsha qylmystyq is qozǵaldy. Bul áıel munyń aldynda da osy tektes qylmysy úshin isti bolǵan.
«Japa shekken jandardyń 254-46-12, 8-775-203-64-04, 8-702-333-42-64, 8-702-007-55-11 telefondaryna habarlasýyn suraımyz», - dedi polıtsııa deparatmentinen.
