Halyqtyq «jasyl» tehnologııalar akademııasynda 3 myń adam bilim alyp shyqty

Ol BUU DB men «Coca-Cola» Halyqaralyq qorynyń granttyq qoldaýymen «Jasyl» ekonomıka úshin koalıtsııa jáne G-Global damytý» ZTB bastamasy boıynsha quryldy.

Ortalyqtyń negizgi mindeti - elimizdiń ártúrli sanattaǵy turǵyndaryn «jasyl» ekonomıka  jáne «jasyl» tehnologııalar bilimine oqytý, energetıka jáne sýdy únemdeý tehnologııalary men praktıkalaryn paıdalaný tájirıbesimen tanystyrý.

Shynaıy demonstratsııalyq obektilerde energııa únemdeý jáne organıkalyq aýyl sharýashylyq salasynda meılinshe tıimdi tehnologııalarǵa oqytý, shaǵyn energetıka, energııamen tıimdi jylytý jáne jaryq berý, týrızm, «jasyl» qurylys, qaldyqtardy joıý jáne basqa baǵyttar boıynsha elimizde júzege asyrylyp jatqan jobalardy kóbeıtý qolǵa alynǵan.

Akademııa aýyldyq jerlerde bıýdjettik uıymdar men mekemelerdiń, ákimdik ǵımarattarynyń shyǵynyn azaıtýǵa, onda «jasyl» texnologııalardy engizýge óz úlesin qosýda.

«Akademııada jınaqtalǵan energotıimdi texnologııalar mektepterde, balabaqshalarda, emxanalarda, ákimdikterde qoldansa, bıýdjet qarajatyn edáýir únemdeýge bolady. Vıacheslav orta mektebi pırolız peshterin jáne jaryqdıodty shamdardy qoldaný arqyly jylyna 3 mıllıon teńge únemdeıdi», - deıdi «Aqbota» qoǵamdyq qorynyń dırektory Tatıana Nemtsan.

«G-Global «jasyl ekonomıka» men damý koalıtsııasy» ZTB basqarma tóraǵasy Saltanat Rahymbekova Aqmolada qurylǵan Halyqtyq «jasyl» tehnologııalar akademııasy Qazaqstan Respýblıkasynyń basqa óńirlerinde  energııa jáne sýdy tıimdi únemdeýdiń úzdik tájirıbesin taratýdyń baǵyttaýshysy atanǵanyn aıtyp ótti. Qazirgi ýaqytta akademııa fılıaly Qaraǵandy oblysynda da qurylǵan.

«Vıacheslav mektebinde jasalǵan tájirıbe Arshaly aýdanynda ornalasqan ózge mektepterge de engiziletin bolady. Qazir bul másele talqylanýda. Akademııada endi tájirıbe molynan jınaqtaldy», - deıdi S. Raxymbekova.