«Halyqtyq ІRO»-ǵa qatysý halal ma, haram ba?
ASTANA. 13 qarasha. QazAqparat - «Megapolıstiń» tilshileri ıslam «Halyqtyq ІRO»-ǵa qalaı qaraıtyndyǵyn bilýge tyrysty.
«Ósim alý tyıym salynǵan naǵyz musylmandar iri kompanııalardyń aktsııalaryn satyp alyp, dıvıdentter túrinde paıda taba alady ma?» degen suraqqa jaýap izdedi.
Qazaqstan musylmandary dinı basqarmasy (QMDB) bul suraqqa jaýap bere almady. Bilim berý jáne aǵartý bóliminiń meńgerýshisi Smaıyl Seıitbekovtyń aıtýynsha, bul ózekti, biraq múldem jańa taqyryp, sondyqtan, «Halyqtyq ІRO» halal ne haram ekendigin kesip aıta almaıdy. «Basqarma bul suraqty qaperge alady, keıin resmı málimdeme beretin bolady», - dedi ol.
Bul rette Qazaqstan musylmandary odaǵynyń kóshbasshysy Murat Telibekovtyń pikirinshe, eger dindar «Halyqtyq ІRO» baǵdarlamasyna qatysýdy sheshse, ol úlken kúná jasamaıdy. Telibekov baǵdarlamany barlyq adamdar (sonyń ishinde musylmandar) tóleıtin salyqtarmen salystyrdy. Sebebi bul aqshalar budan ári qaıda baratynyn - qarý-jaraqtar men alkogoldi nemese syrqat balalarǵa dári-dármekterdi satyp alýǵa jumsalatyndyǵyn qadaǵalaýǵa barlyǵynyń múmkindigi joq.
«Bul baǵdarlama musylmandarǵa haram bolyp tabylatyndyǵyn kesip aıtý úshin, salynǵan aqshalardyń odan arǵy qozǵalysyn jiti bilý qajet. Bul rette bul múmkin emes. Sondyqtan men musylmandardy «Halyqtyq ІRO»-dan bas tartýǵa úndemes edim. Menińshe, qatysýda turǵan úlken kúná joq», - dep atap ótti M.Telibekov.
Onymen qosa, «Megapolıs» birqatar tanymal adamdardy - Mınıstrler kabınetiniń múshelerin, ulttyq holdıngterdiń top-menedjerlerin, depýtattardy saýalnamaǵa tartyp, bul baǵdarlamadan kóptegen VIP-personalar paıda tabýdy kózdep otyrǵandyǵyn anyqtady.
