Halyqtyq ІRO baǵdarlamasynyń pıoneri «Samuryq-Qazyna» UÁQ» qarasty 400 kompanııanyń arasynan iriktelip alyndy - Ó. Shókeev

ALMATY. 7 qarasha. QazAqparat - Halyqtyq ІRO baǵdarlamasyna qatysýshy kompanııaǵa qoıylatyn talaptar  tek qazaqstandyq ǵana emes London qor bırjasynyń talaptaryna da sáıkestendirildi. 

«Samuryq-Qazyna» UÁQ» AQ-nyń  Basqarma tóraǵasy Ómirzaq Shókkev búgin «QazTransOıl» AQ basshylyǵynyń qarjy naryǵyna qatysýshylar jáne jeke ınvestorlarmen bolǵan kezdesýinde osylaı aıtty.

«Elimizde bıyl alǵash ret júrgizilip otyrǵan bul aktsııada «QazTransOıldy» halyqtyq ІRO-ǵa shyǵarýǵa daıyndaý ǵana emes onyń bolashaq ınvestorlary retinde aktsııalaryn satyp alýshylarmen de jumys júrgizilýde. «Nur Otan»HDP, Qazaqstan halyq Assambleıasy, QR Saýda-ónerkásip palatasy men ózge de qoǵamdyq birlestiktermen birlesip jyl boıy asa aýqymdy aqparattyq-túsindirý jumystaryn júrgizý qazirdiń ózinde óz nátıjesin berýde. Alǵashqy kúnniń ózinde 26 myńnan astam jeke esep shottar tirkeldi», - deıdi Ó. Shókeev. Onyń aıtýynsha, Qazaqstan qor bırjasynyń málimetterine qaraǵanda, «Halyqtyq ІRO» baǵdarlamasy boıynsha «QazTransOıl» AQ-nyń aktsııalaryn satyp alýǵa qazaqstandyqtardan alǵashqy kúni ǵana 184,4 mıllıon teńgeniń ótinishi qabyldanǵan. Bul start kezindegi óte joǵary nátıje. Qazaqstandyqtar oǵan belsendi túrde qatysyp, aktsıonerge  aınalatyna senim óte zor.