«Halyqtyq ІRO» baǵdarlamasyna degen yqylas artýda - «Samuryq-Qazyna»
ASTANA. 8 qyrkúıek. QazAqparat - «Halyqtyq ІRO» baǵdarlamasyn tanystyrýǵa baǵyttalǵan aqparattyq-aǵartýshylyq naýqan oń nátıje bere bastady,
dep habarlaıdy pm.kz saıty «Samuryq-Qazyna» qorynyń baspasóz qyzmetine silteme jasap.
"Aqparattyq naýqannyń nátıjeleri joq emes. Sall-ortalyqqa shalynatyn qońyraýlardyń, baǵdarlama veb-saıtyna kirýshiler men Facebook jáne Twitter áleýmettik jelilerindegi paraqshalarǵa jazylýshylar sanynyń kún sanap artýy osynyń aıǵaǵy",- delingen qor habarlamasynda.
Aqparattyq naýqan 9 sáýirden bastaldy, oǵan qosa táýlik boıy jáne qazaq-orys tilderinde jumys isteıtin tegin sall-center ashyldy, baǵdarlamanyń www.halyk-ipo.kz veb-saıty qyzmet etýde.
Buqaralyq aqparat quraldarynyń betterinde de belsendi jumystar júrgizilýde - aýdıo- jáne vıdeobaıandar kórsetilip, aqparattyq jáne jarnamalyq modýlder jarııalanýda, salalyq tele- jáne radıohabarlar kórsetilýde.
Sondaı-aq oqý-ádistemelik jáne tanystyrý materıaldaryn qamtıtyn aǵartýshylyq baǵdarlamasy jasalyp otyr. Óńirlerdegi halyqty qor naryǵymen tanystyrý úshin 660 adamnan turatyn pýl jasaqtalǵan. Olar elimizdiń barlyq óńirlerindegi eńbek ujymdarynda, onyń ishinde aýyldyq jerlerde de dárister ótkizýde.
«Halyqtyq ІRO» baǵdarlamasy 2012-2015 jyldyń aralyǵynda úsh kezeńde júzege asyrylady. Aktsııalary satylymǵa shyǵarylatyn memlekettik kompanııalar úsh kezeńge jiktelip otyr: 2012 jyly «QazTransOıl» AQ-nyń aktsııalary jaıǵastyrylsa, 2013 jyly - «KEGOC», «Eır Astana», «QazTransGaz», «Samuryq-Energo», «Qaztasymalteńizflot» kompanııalarynyń, al 2014 jyly - «Qazaqstan temir joly», «Qaztemirtrans» jáne 2015 jyly - «Qazatomónerkásip», «KazMunaıGaz» kompanııalarynyń aktsııalary jaıǵastyrylady.
