"Halyqtyq ІRO" baǵdarlamasyna aktsııalary saýdaǵa túsetin kompanııalardaǵy qyzmetkerlerdiń qatysýyna múddelimiz - Pıter Haýz
ALMATY. 26 qazan. QazAqparat /Erlik Erjanuly/ - "Halyqtyq ІRO" baǵdarlamasy jalpy jurtshylyq úshin jasalyp otyr.
Ony "Samuryq-Qazyna" AQ-nyń Basqarýshy dırektory Pıter Haýz búgin Almatyda ótip jatqan "Halyqtyq ІRO-ǵa baǵaly qaǵazdar naryǵynyń ınfraqurylymyn daıyndaý" dep atalatyn dóńgelek ústel jıynynda aıtty.
"Halyqtyq ІRO" baǵdarlamasyna aktsııalary saýdaǵa túsetin ulttyq kompanııa qyzmetkerleriniń kóbirek qyzyǵýshylyq bildirýiniń de mańyzy zor. Ótkeni olar ondaǵy ahýaldy ózgelerge qaraǵanda jetik biledi. Sondyqtan nege bulaı, nege olaı emes degen sııaqty barlyq saýaldardy kóbirek qoıýǵa múmkindigi bar", - deıdi P.Haýz. Onyń aıtýynsha, aktsıonerlerdiń jınalystarynda úlesiniń kólemine qaramastan barlyq aktsııa ıeleriniń kompanııa basshylaryn saılaýda óz róli bar.
Jalpy "Halyqtyq ІRO" baǵdarlamasyna alǵashqy kezekti óz aktsııalaryn shyǵaratyndar - "QazTransOıl", "KEGOC", "Eır Astana" AQ-dary bolǵaly otyr. Olar onda 5-15 paıyz kólemindegi qosymsha aktsııalaryn saýdaǵa salmaq. Onda aldymen qarapaıym halyqtyń suranysy qanaǵattandyrlyp, sodan keıin ǵana zeınetaqy jınaqtaý qorlarynyń satyp alýyna múmkindik beriletin bolady.
