"Halyqtyq ІRO" baǵdarlamasy boıynsha saýdaǵa túsetin aktsııalardyń baǵasy kez-kelgen adam úshin qol jetimdi deńgeıde bolady - Pıter Haýz
ALMATY. 26 qazan. QazAqparat /Erlik Erjanuly/ - "Halyqtyq ІRO" baǵdarlamasynyń naqty júzege asyrylatyn kúni áli belgilengen joq, dedi "Samuryq-Qazyna" AQ-nyń Basqarýshy dırektory Pıter Haýz búgin Almatyda ótip jatqan "Halyqtyq ІRO-ǵa baǵaly qaǵazdar naryǵynyń ınfraqurylymyn daıyndaý" dep atalatyn dóńgelek ústel jıynynda.
"Biz "Halyqtyq ІRO" baǵdarlamasynyń júzege asyrý ýaqytyn 2012 jyldyń 1-jartyjyldyǵy dep josparlap otyrmyz. Onda aktsııasy saýdaǵa salynatyn kompanııalar bıyl jyl sońyndaǵy aýdıt qorytyndysy boıynsha anyqtalady. Olar odan keıin búkil el aýmaǵyn aralap, nemen aınalysatynyn, qandaı josparlary men strategııasy bar ekeni jóninde tanystyrylymdar jasaıdy", - deıdi P. Haýz. Onyń aıtýynsha, bul shara kezinde qajetti ınfraqurylymdar daıyndaý qatar júrgiziledi. Adamdar qaıda baryp esep shot ashýǵa bolatynyn jáne aktsııalardy qalaı satyp alý kerektigin jáne bul qyzmettiń qansha turatynynan habardar bolýy qajet. Barlyq adam birden uzyn-sonar kezekke turyp qalmas úshin esep shot ashý úderisi 3-4 aı boıy júrgizilmek. "Samuryq-Qazyna" AQ-nyń Basqarýshy dırektorynyń sózine qaraǵanda, "Halyqtyq ІRO" baǵdarlamasynyń 1-kezeńine 3 kompanııa qatysady dep josparlap otyr. Olar - QazTransOıl", "KEGOC", "Eır Astana" AQ-dary bolmaq. Al olardyń qataryna 2013 jyly «QazTransGaz», «Samuryq-Energo», «NMSK «Kazmortransflot», 2014 jyly «Qazaqstan temir joly», «Qaztemirtrans» qosylýy múmkin.
