Halyqtyq ІRO baǵdarlamasy aıasynda paılyq ınvestıtsııalyq qorlardyń damýyna jańa múmkindikter ashylady - Tımýr Sálimov
ALMATY. 26 maýsym. QazAqparat - Paılyq ınvestıtsııalyq qorlardyń bolashaǵy zor. Bul jaıly «Asyl-Invest» AQ-nyń basshylary búgin Almatyda ótkizgen baspasóz máslıhatynda málimdedi.
«Ujymdyq ınvestıtsııaǵa qazir ınvestorlar tarapynan qyzyǵýshylyq óte tómen. Ony basqarýshy kompanııalardyń áreketinen de baıqaýǵa bolady. Qazirgi tańda elimizdegi birqatar ınvestıtsııalyq qorlar óz qyzmetin toqtatty. Olar naryqtaǵy áleýetti oıynshylar bolatyn. Bul ǵalamdyq daǵdarys saldaryna baılanysty. Taıaý 5 jyldyń ishinde paılyq ınvestıtsııalyq qorlar sanynyń qysqarýy budan ary jalǵasady. Bul úrdis sapany kóterip, basqarý men qor qurylymyn jaqsartady», - deıdi «Asyl-Invest» AQ Basqarma tóraǵasynyń orynbasary Tımýr Sálimov. Onyń aıtýynsha, basqarýshy kompanııalar qazir óz qyzmetin negizgi 3 quramǵa baǵyttaýda. Olar - paılyq ınvestıtsııalyq qorlardyń basqarý sapasy men kiris deńgeıin kóterý, halyqtyq qarjylyq saýatyn arttyrý jáne ujymdyq ınvestıtsııalaý salasyndaǵy zańnamany jetildirý. Halyqtyq ІRO baǵdarlamasy bólshek qorlarǵa degen qyzyǵýshylyqty arttyrady. Halyqtyq ІRO baǵdarlamasy aıasynda jańa múmkindikter ashylady. «Asyl-Invest» AQ- jetekshileri paılyq ınvestıýtsııalyq qorlarǵa depozıtke balama retinde emes, qosymsha tolyqtyrýshy jınaqtaý quraly retinde qaraıdy. Máselen basqarýshy kompanııalar daǵdarys kezinde mol tájirıbe jınady.
Daǵdarys kezinde agressıvti ınvestıtsııalaǵan qorlardyń joǵaltqany kóp boldy. Konservatıvti saıasat ustanǵandarda bul azyraq boldy. Sonyń nátıjesinde 2008 jyly birde-bir paılyq ınvestıtsııalyq qor 4 pýnkten joǵary kiris taba almady. Tek naryq turaqtala bastaǵan kezde basqarýshy kompanııanyń qoldanǵan qurylymyna qaraı kiris qaıta ósti.
