«Halyqtyq IPO» kezinde táýekelderdiń bolatynyn eskerý qajet - «Samuryq - Qazyna»
Bul týraly Astanada ótken baspasóz máslıhatynda «Samuryq-Qazyna» ulttyq ál-aýqat qorynyń aqparattyq-taldaý departamentiniń dırektory Marat Áýbákirov aıtty.
«Aktsııany satyp alǵan adam, depozıtten de artyq paıda taba alady. Biraq ol paıdanyń turaqty bolýyna kepildik berýge bolmaıdy. Aktsııanyń baǵasy tómendese, ınvestor shyǵynǵa batady. Sondyqtan «Halyqtyq IPO» baǵdarlamasyn iske asyryp, naryqqa shyǵarylatyn aktsııalardy satyp alǵan kezde táýekelderdiń bolatyndyǵyn eskerý qajet», - deıdi M.Áýbákirov. Óz sózinde ol el Úkimeti men «Samuryq-Qazynanyń» baǵaly qaǵazdar naryǵyndaǵy aktsııalarynyń baǵasyn saqtaý úshin barlyq is-sharalardy atqaratyndyǵyna sendirdi.
Aıta keteıik, 2012-2013 jyldary bırjaǵa, eń aldymen, «QazTransOıl» jáne «KEGOC» kompanııalarynyń aktsııalaryn ornalastyrý josparlanyp otyr. Odan keıin halyq «QazTransGaz», «Qazteńiztransflot», «Qazaqstan temir joly», «Qaztemirtrans», «QazMunaıGaz» ben «Qazatomónerkásip» kompanııalarynyń baǵaly qaǵazdaryn satyp ala alady. «Biz sheteldik bırjalarǵa shyqpaımyz. Barlyǵy el ishindegi baǵaly qaǵazdar naryǵynda bolady. Jospar boıynsha kompanııalardyń 15 paıyz aktsııalary satylady. Biraq «Samuryq-Qazyna» qory kompanııalardyń negizgi ıesi bolyp qala bermek», - dedi M.Áýbákirov.
