«Halyqtyq IPO» baǵdarlamasyna qatysýshy kompanııalarda táýelsiz dırektorlar sany 50 paıyzǵa deıin jetetin bolady
ASTANA. 3 qyrkúıek. QazAqparat - Qazaqstanda «Halyqtyq IPO» baǵdarlamasyna qatysýshy kompanııalarda táýelsiz dırektorlar sany 30-dan 50 paıyzǵa deıin artatyn bolady, dep habarlaıdy «Samuryq-Qazyna» UÁQ» AQ baspasóz qyzmeti pm.kz saıtyna.
«Biz qatysýshy kompanııalardaǵy táýelsiz dırektorlar sanyn 30-dan 50 paıyzǵa deıin arttyratyn bolamyz. Bizdiń pikirimizshe, bul tıimsiz basqarýshylyq sheshimderin qabyldaýdan saqtandyratyn bolady», - delingen qor habarlamasynda.
Dırektorlar keńesi quramyna táýelsiz sarapshylardy engizý qatysýshy kompanııalar bazasynda Táýelsiz dırektorlar ınstıtýtyn qurýǵa múmkindik beredi, bul olarǵa korporatıvti basqarýdaǵy joǵary deńgeıge jetýdi, ashyqtyq pen mınorıtarlyq aktsıonerlerdi qorǵaýdy qamtamasyz etedi.
Táýelsiz dırektorlar kompanııamen úlestes emes joǵary bilikti mamandar qatarynan konkýrstyq negizde iriktelip alynatyn bolady.
QR Memleket basshysy N.Á.Nazarbaevtyń bastamasymen júzege asyrylyp jatqan «Halyqtyq IPO» baǵdarlamasy qazaqstandyqtarǵa iri ulttyq kompanııalardyń aktsııalaryna ıe bolýǵa múmkindik berýge jáne eldegi qor naryǵyn damytýǵa baǵyttalǵan.
