Halyqtyq IPO baǵdarlamasyna qatysý úshin bankten kredıt alýdyń esh qajeti joq - Grıgorıı Marchenko
ALMATY. 15 naýryz. QazAqparat - Uzaq merzimdik keleshekte aktsııalar oblıgatsııalar men bank depozıtine qaraǵanda joǵary kiris ákele alady. Ony Ulttyq bank tóraǵasy Grıgorıı Marchenko búgin Almatyda on-laın konferentsııada aıtty.
«Eger adam bankke aqsha salsa ne oblıgatsııa satyp alsa, bank belgili bir kezeńde negizgi sýmma men depozıtke syıaqy alady. Halyq depozıtin kepildendirý qory bar. Oblıgatsııada kepildik joq, oǵan jyl saıyn syıaqy tólenedi. Al aktsııada nomınaldaý joq. Táýekel de joǵary. Onda kóp kiris tabý múmkindigimen qatar utylý qaýpi de bar», - deıdi G.Marchenko. G.Aleksandrovıchtiń aıtýynsha, 1 mıllıonǵa satyp alǵan aktsııa 3 jylda 600 myń bop qalýy ne 2 mıllıon teńge bolýy da múmkin. Aktsııalar naryǵy qubylmaly. Birde ósip, birde tómendeıdi. 10-15 jyldyq merzimde kiris joǵary oblıgatsııa men depozıtten. Sondyqtan halyqtyq ІRO baǵdarlamasyna kúndelikti muqtajdyǵynan artyq aqshasy bar adamdar ǵana qatysýy kerek. Eger aqshasy kúndelikti qajettilikten artylmaıtyn bolsa, bankten nesıe alýdyń esh qajeti joq. Ol durys sheshim emes.
