«Halyqtyq IPO» baǵdarlamasy boıynsha respýblıkalyq-aqparattyq aktsııa ótedi

ASTANA. 6 maýsym. QazAqparat - Erteń, 7 maýsymda saǵat 11.00-de Táýelsizdik saraıynda (Baspasóz ortalyǵy, 1-qabat) Qazaqstan halqy Assambleıasy men «Samuryq-Qazyna» AQ-nyń «Halyqtyq IPO» baǵdarlamasyn túsindirý jónindegi respýblıkalyq aqparattyq

aktsııasyn iske qosý sharasy ótedi.

Shara Qazaqstan Respýblıkasynyń Prezıdenti N. Nazarbaevtyń Qazaqstan halqy Assambleıasynyń 19 sessııasyndaǵy «Halyqtyq IPO» baǵdarlamasyn túsindirýge Assambleıanyń belsendi qatysýy týraly tapsyrmasyn oryndaý aıasynda ótkizilýde.

Qazaqstan halqy Assambleıasy men «Samuryq-Qazyna» AQ-nyń «Halyqtyq IPO» baǵdarlamasy boıynsha aqparattyq-túsindirý kampanııasy josparyna qol qoıylady.

Baıandamashylar qatarynda - Qazaqstan halqy Assambleıasy Tóraǵasynyń orynbasary - QR Prezıdenti Ákimshiliginiń Hatshylyq meńgerýshisi
Eraly Toǵjanov, «Samuryq-Qazyna» Ulttyq ál-aýqat qory AQ Basqarma Tóraǵasynyń orynbasary Qýandyq Bıshimbaev, QR Ekonomıkalyq damý jáne saýda vıtse-mınıstri Abaı Eskendirov, Parlament Májilisiniń depýtaty, Qazaqstan káristeri qaýymdastyǵynyń tóraǵasy Roman Kım, «NefteGaz-Dem» zeınetaqy jınaqtaý qory» AQ Basqarma Tóraǵasynyń orynbasary, QHA-men birlesken «Qazaqstan azamattarynyń qarjylyq mádenıeti» atty jobanyń úılestirýshisi Larısa Qusaıynova jáne t.b. bar.

Sharaǵa Parlament depýtattary, memlekettik organdar men ulttyq kompanııalardyń ókilderi, Qazaqstan halqy Assambleıasynyń músheleri, QHA qurylymdary men áriptesteri, oblystar, Astana jáne Almaty qalalary, QHA hatshylyqtarynyń meńgerýshileri, etnomádenı birlestikter, BAQ qatysady.

Qol qoıý saltanatynan keıin «Halyqtyq IPO» baǵdarlamasy boıynsha onyń múmkindikterin, iske asyrý jáne azamattardyń qatysý mehanızmin tanystyrýǵa arnalǵan arnaıy oqytý semınar-trenıngi ótedi.