«Halyqtyq IPO» baǵdarlamasy boıynsha aqparattyq túsindirý naýqany bastaldy

 dep habarlaıdy aktsıonerlik qoǵamnyń baspasóz qyzmeti.

 Osy aptadan bastap, «Halyqtyq IPO» baǵdarlamasy boıynsha 8 800 080 50 70 jumysyn bastady. Bul nómirge habarlasý Qazaqstan boıynsha tegin. Sondaı-aq Almaty qalasynda da  8 (727) 250 70 00 arnaıy nómiri jumys isteıdi. Senim telefondary demalyssyz kúndizgi saǵat 9-00-den 22-00-ge deıin jumys isteıdi. «Kez kelgen azamat osy telefon boıynsha telefon soǵyp, «Halyqtyq IPO» baǵdarlamasy jónindegi ózine qajetti málimetterdi ala alady. Operatorlar qazaq tilinde de, orys tilinde de jaýap beredi»,-delingen baspasóz málimetterinde.

 Sonymen qatar «Halyqtyq IPO» baǵdarlamasynyń arnaıy veb-saıty jumys isteı bastady. www.halyk-ipo.kz . saıtynan «Halyqtyq IPO-men» baılanysty kez kelgen  qajetti málimetterdi alyp, maqalalar men jańalyqtardy bilýge bolady. Saıtta sonymen qatar qor naryǵyndaǵy jaǵdaı jónindegi aqparattyq-oqytý materıaldary ornalastyrylady.  Internetti belsendi paıdalanatyn azamattar úshin Twitter ı Facebook sııaqty áleýmettik saıttardan arnaıy akkaýnttar ashylǵan. Aqparattyq-túsindirý naýqanynda buqaralyq aqparat quraldarynda «Halyqtyq IPO» baǵdarlamasy jóninde tereń túsinikteme beretin maqalalar jarııalanyp, baǵdarlama jónindegi májilister men jıyndar túrindegi sharalar jóninde málimetterdi alýǵa bolady.