Halyqty jumyspen qamtýǵa qosymsha 200 mlrd teńge bólindi - Erbolat Dosaev

NUR-SULTAN. QazAqparat – Úkimettiń keńeıtilgen otyrysynda Ulttyq bank tóraǵasy Erbolat Dosaev ulttyq tólem júıesin tsıfrlandyrýdyń qalaı júrip jatqanyn baıandady, dep habarlaıdy QazAqparat.

«Makroekonomıkalyq damýdy qamtamasyz etý maqsatynda Ulttyq bank bıylǵy birinshi jartyjyldyqta ishki naryqtaǵy turaqtylyqty qamtamasyz etti. Sizdiń tapsyrmańyz boıynsha «Jumyspen qamtý-2021» jol kartasyn iske asyrýǵa qosymsha 200 mlrd teńge bólindi», - degen Erbolat Dosaev tsıfrlyq teńge engizý jóninde pılottyq joba daıyndalyp jatqanyn atady.

«Ulttyq qor men zeınettik qor aktıvteri boıynsha oń kirister qamtamasyz etildi. Qarjy sektoryn tsıfrlandyrý boıynsha belsendi jumys jalǵastyrylýda. Sizdiń tapsyrmańyz boıynsha qurylatyn ulttyq tólem júıesiniń tsıfrlyq teńgeni engizý jónindegi pılottyq jobanyń daıyndalýy onyń mańyzdy quramdas bólikteri bolyp tabylady.

Eske salsaq, búgin Prezıdent tóraǵalyǵymen Úkimettiń keńeıtilgen otyrysy ótip jatyr.

Sharada Memleket basyshsy Qasym-Jomart Toqaev indetke jáne shekteý is-sharalaryna qaramastan el ekonomıkasy jarty jyldyń ishinde 2,2 paıyzǵa óskenin aıtty.