Halyqty jumyspen qamtý qyzmetteri túgeldeı elektrondyq formatqa kóshiriledi

NUR-SULTAN. QazAqparat – Halyqty jumyspen qamtý qyzmetteri túgeldeı elektrondyq formatqa kóshirilýi kerek. QR Premer-Mınıstri Álıhan Smaıylov Úkimet otyrysynda osyndaı tapsyrma berdi, dep habarlaıdy QazAqparat tilshisi.

«Áleýmettik eńbek salasyn tsıfrlandyrýdy kúsheıtý úshin mynandaı tapsyrmalar beremin. Birinshi. Eńbek mnıstrligi ákimdiktermen jáne «Atameken» kásipkerler palatasymen birlesip, jyl sońyna deıin jumyspen qamtýǵa járdemdesýdiń barlyq sharalaryn elektrondyq formatqa aýystyrsyn. Jumys izdegen azamattardyń keminde 40 paıyzyna onlaın rejımde qyzmet kórsetilýi kerek.

Ekinshi. Tsıfrlyq damý mınıstrligi Eńbek mınıstrligimen birlesip, «Otbasynyń tsıfrlyq kartasy» jobasyn iske asyrý jumystaryn 25 naýryzǵa deıin aıaqtasyn», -dedi Úkimet basshysy.

Sondaı-aq ol Eńbek jáne halyqty áleýmettik qorǵaý mnıstrligine Densaýlyq saqtaý mınıstrligimen, ákimdiktermen birlesip múgedektikti syrttaı belgileý jobasyn medıtsınalyq aqparattyq júıelerge 1 maýsymǵa deıin qosýdy tapsydy.

«Sonymen qatar memlekettik qyzmettiń osy túrin syrttaı alatyn adamdardyń úlesin kem degende 20 paıyzǵa deıin jetkizsin», - degen Úkimet basshysy máseleni baqylaýdy orynbasary Eraly Toǵajnovqa júktedi.