Halyqty tótenshe jaǵdaılar boıynsha habardar etýdi uıaly baılanys operatorlary iske asyrady
ASTANA. 19 aqpan. QazAqparat - QR TJM halyqty tótenshe jaǵdaılar boıynsha habardar etýdi uıaly baılanys operatorlary iske asyrmaq.
Bul týraly búgin Úkimet otyrysynan keıin atalǵan vedomstvonyń basshysy Vladımır Bojko málim etti.
«Kezinde uıaly baılanys operatorlaryna jıilik bólýge tenderler ótkizilgen kezde olar óz kezeginde tótenshe jaǵdaılar jóninde halyqty habardar etý múmkindigin usynady degen másele qaralǵan bolatyn», - dep naqtylap ótti mınıstr.
Onyń aıtýynsha, búginde uıaly baılanys kompanııalarynyń basshylarymen birqatar kezdesýler ótkizilgenin aıtyp ótti. Bul turǵyda baılanys operatorlarymen 100 paıyz túsinistik ornatylǵan.
Máselen, qazirgi kezde endi halyqty qashan jáne qandaı qalypta qulaǵdar etýdiń jaǵdaılaryn anyqtaıtyn buıryq ázirlenip jatqan kórinedi.
«Biz bul máseleni seısmologııa ınstıtýtymen qatar qarastyryp jatyrmyz», - dedi vedomstvo basshysy.
