«Halyqty «táýip» bolýǵa ıtermelegen saýatsyzdyq pa, álde májbúrlik pe?» - respýblıkalyq basylymdarǵa sholý
***
«Osy kúnderi Nıý-Iork qalasynda Halyqaralyq beıbitshilik kúnine arnalǵan is-sharalar ótýde. Olarǵa elimizdiń Mádenıet jáne aqparat mınıstri Darhan Myńbaı bastaǵan delegatsııa belsene qatysýda. Birikken Ulttar Uıymy Bas Assambleıasynyń qararlaryna sáıkes, Halyqaralyq beıbitshilik kúni jyl saıyn 21 qyrkúıek kúni atalyp ótedi. Bul kún memleketter ishindegi jáne elaralyq beıbitshilik murattarynyń nyǵaıýyna arnalady»,- dep jazady «Egemen Qazaqstan» gazeti búgingi sanyndaǵy «Bas uıymdaǵy Beıbitshilik kúni» degen taqyryptaǵy maqalasynda. Basylymnyń atap ótýinshe, keshe BUU Shtab-páterinde Qazaqstan men ıÝNESKO-nyń bastamasymen beıbitshilik jáne zorlyq jasamaý mádenıeti máseleleri jóninde joǵary deńgeıdegi pikirtalastar bolyp ótti. Pikirtalastyń negizgi maqsaty - baıandy beıbitshilik mádenıetin qurý, mádenıetaralyq jáne dinaralyq ózara túsinistik pen kelisimdi ilgeriletý, sondaı-aq zorlyqtyń barlyq túrlerimen kúresýdiń múmkin joldaryn qarastyrý.
***
«Budan bylaı boıy 165 sm-den tómen jigitter Qarýly kúshterdiń qataryna shaqyrylmaıdy. Bul týraly Qorǵanys mınıstriniń birinshi orynbasary, shtabtar bastyqtary komıtetiniń tóraǵasy Sáken Jasuzaqov málimdedi», dep jazady «Aıqyn» gazeti. Maqala «Alasa boıly jigitter áskerge alynbaıdy» degen taqyryppen berilgen.
«Salyq daýlary qalaı sheshiledi?». «Aıqyn» gazetiniń jazýynsha, Almatyda Parlament Senatynyń Konstıtýtsııalyq zańnama, sot júıesi jáne quqyq qorǵaý organdary komıtetiniń qarjy jáne salyqtyq quqyq buzýshylyqtarynan týyndaǵan sot daýlaryn qaraý tártibin jetildirýge arnalǵan kóshpeli otyrysy boldy. Komıtet tóraǵasy Serik Aqylbaı salyq jáne qarjy salasyndaǵy quqyq buzýshylyqtardan týyndaǵan daýlardyń ereksheligin atap óte kelip, salyq daýlarynyń týyndaýyna áser etetin negizgi másele retinde qoldanystaǵy zańnamadaǵy olqylyqtardy atap ótti. Ol týraly salyq organdarynyń sheshimderi men is-qımyldaryn teriske shyǵarý jónindegi isterdi qaraý tájirıbesi dálel bolyp otyr. Daýly máseleler dál emes nemese salyq zańnamasymen rettelmegen jaǵdaıda, salyq tóleýshiniń quqyqtary men múddeleriniń buzylýy týraly salyq organdarynyń derekterin sotta dáleldeý múmkin emes.
***
«Alash aınasy» gazetinde «Halyqty «táýip» bolýǵa ıtermelegen saýatsyzdyq pa, álde májbúrlik pe?» atty maqala basyldy. «Halqymyzdyń 92 paıyzy ózin-ózi emdeýdi ádetke aınaldyrǵan». Muny elimizdiń Densaýlyq saqtaý mınıstri Salıdat Qaıyrbekova hanym ózi moıyndap otyr. «Sondaı-aq áleýmettik zertteý nátıjesinde halyqtyń 42 paıyzy dárigerdiń keńesinsiz dárini óz betimen qabyldaıtynyn, al tek dárigerdiń qatań baqylaýymen ǵana taǵaıyndalýy tıis antıbıotıkterdi halyqtyń 53 paıyzy arnaıy mamannyń qadaǵalaýynsyz qoldanatynyn anyqtadyq»,-deıdi bas dáriger.
***
Qazaqstandyq qoǵam dinı arandatýshylyqqa boı aldyrmaıdy. Álemde «Musylmandardyń páktigi» amerıkalyq fılmine qatysty daý-damaı basylmaı tur. Atalǵan fılm 11 qyrkúıekte jahandyq jelide paıda bolǵan edi. Onyń shyǵýy saldarynan jerdiń túkpir-túkpirinde túrli oqıǵalar oryn aldy. Osy oraıda «Lıter» gazeti «Sıla volı» materıalynda elimizdiń qoǵam qaıratkerleri men sarapshylarynyń ustanymdaryn jarııalady.
