Halyqty tasqyn jáne selden qorǵaý boıynsha naqty tapsyrma berildi - QR TJK
ASTANA. QazAqparat - Keshe Qazaqstan Respýblıkasy ІІM Tótenshe jaǵdaılar komıtetinde Іshki ister mınıstriniń orynbasary ıÝrıı Ilınniń qatysýymen jedel keńes ótti, onda ekinshi toqsanda atqarylǵan qyzmettiń qorytyndysy jáne TJK bólimshelerindegi qyzmettik-áskerı tártip pen zańdylyq jaı-kúıi talqylandy.
TJK tóraǵasy polkovnık Vladımır Bekker 2016 jylǵy ekinshi toqsanda atqarylǵan jedel qyzmettiń nátıjeleri jáne úshinshi toqsanǵa arnalǵan mindetter týraly baıandama jasady, dep habarlaıdy TJK baspasóz qyzmeti.
Jalpy aǵymdaǵy jyldyń birinshi jartyjyldyǵynda respýblıka boıynsha tabıǵı jáne tehnogendik sıpattaǵy 6 805 TJ men oqıǵa tirkeldi.Tótenshe jaǵdaılardy joıý úshin TJK kúshteri avarııalyq-qutqarý jumystaryna 28 myńnan astam ret shyqty, 4 738 adam qutqaryldy jáne 32 212 adam evakýatsııalandy. 2 996 zardap shekken adamǵa alǵashqy medıtsınalyq kómek kórsetildi. 1 655 adam evakýatsııalanyp emdeý mekemelerine jatqyzyldy.
Sý tasqynyna qarsy is-sharalar barysynda TJ aımaqtarynan 17 adam qutqaryldy, 1 024 adam evakýatsııalandy, 48,4 shaqyrym ýaqytsha bóget turǵyzyldy, 203,7 myń qapqa qum salynyp tóseldi, 2,4 mln. sharshy metr soryp shyǵaryldy.
Sýǵa shomylý maýsymynda sany 1 279 adamdy quraıtyn jedel-qutqarý bólimsheleriniń jeke quramy qyzmet ótkerýdiń kúsheıtilgen túrine kóshirildi. Sýaıdyndaryndaǵy TJ-ǵa jedel den qoıý úshin 254 birlik avtomobıl jáne qutqarý tehnıkasy, 550 birlik júzý quraly, 1 650 birlik súńgýir jabdyqtary men jaraqtary ázirlendi.
Órtke qarsy qyzmet garnızondarynda táýlik saıyn 2 695 qyzmetker jaýyngerlik kezekshilikte turady. 567 órt-taktıkalyq oqý-jattyǵý ótkizildi, iri obektiler men adamdar kóp baratyn obektilerde órt-taktıkalyq jattyǵýlar ótkizý úshin 7 398 shyǵý jasady.
TJK tóraǵasynyń birinshi orynbasary azamattyq qorǵaý polkovnıgi S. Bıtaev TJK bólimshelerindegi qyzmettik-áskerı tártip pen zańdylyq jaı-kúıi týraly baıandama jasady.
Kún tártibinde qaralǵan máseleler TJK TJ departamentteriniń, «Qazseldenqorǵaý» AQ men Kókshetaý tehnıkalyq ınstıtýtynyń basshylary tyńdaldy.
Keńes qorytyndysy boıynsha qurylymdyq jáne vedomstvolyq baǵynysty bólimshelerdiń, óńirlik departamentterdiń basshylaryna qyzmetti jetildirý, onyń ishinde halyqty tasqyn jáne sel kórinisterinen qorǵaý boıynsha jumystar keshenin jalǵastyrý jóninde naqty tapsyrmalar berildi.
