Halyqty sapaly aýyzsýmen qamtamasyz etýdi kózdeıtin «Aqbulaq» baǵdarlamasy tyńǵylyqty zerdelengen - Q. Aıtahanov
ANA. Qazannyń 28-i. QazAqparat /Rýslan Ǵabbasov/ - Halyqty sapaly aýyzsýmen qamtamasyz etýge baǵyttalǵan «Aq bulaq» baǵdarlamasy tyńǵylyqty zerdelengen. Bul týraly búgin selektorlyq formattaǵy Úkimet otyrysynda Parlament Senatynyń depýtaty Qýanysh Aıtahanov aıtty.
Bul baǵdarlamanyń áleýmettik mańyzy erekshe ekenine toqtalǵan depýtat, baǵdarlama oryndalǵan jaǵdaıda qala men aýyl halqy sapaly aýyz sýmen qamtamasyz etiletinin jetkizdi.
«Onymen tanysyp shyqtyq. Atap aıtqanda, baǵdarlama jan-jaqty zerdelenip, zerttelgen. 944 mıllıard teńge halyqty tek qana sapaly aýyz sýmen qamtamasyz etýge jumsalyp otyr. Bunyń ózi bizdiń memleketimizdiń ekonomıkalyq qýatynyń qanshalyqty óskendigin kórsetedi»,-dedi Q. Aıtahanov.
Sý máselesi halqy tyǵyz ornalasqan Ońtústik Qazaqstan oblysyna tikeleı baılanysty ekenine toqtalǵan depýtat, «2008 jyly álemde qarjy daǵdarysy júrip jatqanda Kóksaraı sý rettegishi qurylysy iske asyryldy. Mine biz sonyń nátıjesin kórip otyrmyz»,-dedi.
Osy turǵyda ol atalǵan sý tospasynda qysqy-kóktemgi ýaqytta jınalǵan tasqyn sýdyń kólemi 1 mlrd. tekshe metrge jýyqtaǵanyn, 2011 jyldyń qańtarynan bastap 3 mlrd. tekshe metrge deıin sý jınaýǵa múmkindik bolatynyn aıtyp ótti. Úkimet otyrysy barysynda halyq qalaýlysy aýyzsýmen qatar aǵyn sýlardyń da máselesine jiti nazar aýdarý kerektigine toqtaldy. Onyń pikirinshe, sýarmaly egisterdiń ónimdiligin arttyryp, sýarmaly jerlerdiń jaǵdaıyn jaqsartý turǵysyndaǵy máselelerdi ońtaıly sheshý kerek.
