Halyqty ınternet-alaıaqtyqtan qalaı qorǵaýǵa bolady
«Zań jobasynyń tanystyrylymynan , ókinishke qaraı, tutynýshylardyń quqyǵy buzylatyn eki mańyzdy máseleni kóre almadym. Bul - ınternettegi saýda jáne ınternet arqyly jasalatyn alaıaqtyq. Bul sondaı-aq jypyrlap shyǵa beretin jarnama, uıaly baılanys operatorlarynyń derbes derekterine qol jetkizý, jumys ýaqytynda túsiniksiz dıstrıbıýtorlardyń ártúrli utys utyp alǵanyńyzdy aıtyp, bas qatyratyn sheksiz qońyraýlar máselesi qamtylmapty», - dedi Májilis depýtaty Saýda jáne ıntegratsııa vıtse-mınıstri Qaırat Tórebaevqa qarata.
Onyń aıtýynsha, alaıaqtyqtyń bul túrinen zardap shegip jatqan adamdar tym kóp.
«Eń bastysy, ár sózge senip qalatyn zeınetkerlerimiz jıi zardap shegip jatyr. Adamdar mıllıondar aınalymyna aqsha aýdarady. Siz sondaı-aq óz baıandamańyzda barlyq satyda sottyq retteý qoljetimdi bolatynyn aıtyp qaldyńyz. Alaıda mundaı jaǵdaıda sheteldegilerge aldanyp qalyp jatqandar da bar. Zań jobasy bul máseleni qalaı retteıdi?» - dep surady G. Bıjanova.
Bul suraqqa jaýap bergen Qaırat Tórebaev tutynýshylar quqyǵyn qorǵaý júıesi halyqtyń barlyq sanatyn qamtıtynyna sendirdi.
«Internettegi saýda - óte kúrdeli qubylys. Biz halyqaralyq tájirıbeni arnaıy zerttep kórdik. Biraq ókinishke qaraı basqa elderde de, Qazaqstanda da ortaq amal-ádis qalyptasqan joq. Áıtse de aıtqanymdaı bizde aqparattyq júıe bolady. Barlyq shaǵymdy soǵan tirkeımiz. Eger júıelik problemalar bolsa, biz mundaı saıttardy buǵattaý nemese olardyń quqyǵyn buzatyn satýshylarmen baılanys ornatý máselesin kóteremiz», - dedi vıtse-mınıstr.
Qaırat Tórebaev Qazaqstan óz kezeginde ózge elderdiń zańnamasyna yqpal ete almaıtynyn jetkizdi.
«ıAǵnı, eger satýshy Reseıde, al satyp alýshy Qazaqstanda bolsa, onda máseleni halyqaralyq yntymaqtastyq arqyly sheshý kerek. Biz óz bıznesiniń sýbektileri úshin jaýap beretin shet memlekettiń bılik organdarymen kelissóz júrgizetin bolamyz. Bul - óte kúrdeli másele», - dep túıdi vıtse-mınıstr.
