Halyqty gazben tegin qamtasyz etýge bolatyn edi - depýtat
ASTANA. QazAqparat - Búgin Parlament Májilisinde otandyq munaı-gaz salasyn damytýǵa arnalǵan Úkimet saǵatynda depýtat Gleb Şegelskıı gaz baǵasynyń qymbattaýyna sebep bolyp otyrǵan negizgi máselelerdi atap ótti. Sondaı-aq ol ákimdikter men gaz taratýshy kompanııalardyń qıturqy áreketterin ashyp berdi, dep xabarlaıdy QazAqparat tilshisi.
Depýtattyń sózine qaraǵanda, búginde gaz óndirý kezinde sapaǵa durys kóńil bólinbeıdi. Ásirese, shıkizatty kúkirtten durys tazalamaǵandyqtan, gaz qubyrlary tez búlinip jatady. Sonyń saldarynan taýarlyq gazdyń baǵasy kóteriledi de, búkil salmaq tutynýshylarǵa túsedi.
«Búginde Qazaqstanda óndiriletin suıytylǵan gazdyń kólemi ishki suranystan tórt ese artyq bolyp tur. Árıne, ondaı bolǵan jaqsy. Sebebi kógildir otyndy keńinen paıdalanýǵa barlyq jaǵdaılar bar. Degenmen, onyń keri jaǵy da bar. Búginde ishki suranystan artyq gaz syrtqa satylady. Alaıda ol eksport durys baqylanbaıdy. Al odan túsetin aqsha bıýdjetke emes, gazdy zańsyz tasymaldap jatqandardyń qaltasyn qalyńdatyp otyr», - deıdi G.Şegelskıı.
Osy oraıda xalyq qalaýlysy jergilikti jerde gazdy kóptep alyp, eksportqa zańsyz shyǵarý sxemasyn ashyp berdi. Onyń aıtýynsha, búginde oblystardaǵy gazǵa degen suranystyń kólemi ákimdikter men gaz taratýshy kompanııalardyń málimetteri negizinde anyqtalady. Energetıka mınıstrligi soǵan qarap, taýarlyq gazdy berip otyrady. Ákimdikter men gaz taratýshy kompanııalar osy kesteni paıdalanyp, tapsyrysty artyǵymen berip jatady. «Gazdyń artyq kólemi zańsyz ekporttalady. Sebebi kórshi Reseıde suıytylǵan gazdyń baǵasy Qazaqtannan tórt esege qymbat bolyp tur», - deıdi G.Şegelskıı.
