Halyqty aýyzsýmen qamtamasyz etýge qosymsha 6,4 mıllıard teńge bólinedi
ASTANA. Qyrkúıektiń 8-i. QazAqparat /Marlan Jıembaı/ - Qazaqstan halqyn aýyzsýmen qamtamasyz etýge qosymsha 6,4 mıllıard teńge bólinedi. Bul týraly búgin Úkimet otyrysynda «2010-2012 jyldarǵa arnalǵan respýblıkalyq bıýdjet týraly» QR Zańyna ózgerister men tolyqtyrýlar engizý týraly» zań jobasyn tanystyrǵan Qarjy mınıstri Bolat Jámishev aıtty.
Mınıstrdiń atap ótýinshe, atalǵan qarjy halyqty aýyzsýmen qamtamasyz etýge baǵyttalǵan jańa jobalardy júzege asyrýdy bastaýǵa ári aýyldyq eldi mekenderge zertteý júrgizýge, sonymen qatar sýmen jabdyqtaý júıesin salýǵa jáne jóndeýge baǵyttalmaq.
Sondaı-aq B.Jámishevtiń aıtýyna qaraǵanda, áleýmettik kómek alýshylardyń sanynyń artýyna baılanysty zeınetaqy men áleýmettik járdemaqy tóleýge 8,8 mıllıard teńge qarastyrylǵan.
