Halyqty áleýmettik qorǵaýdyń jańa baǵdarlamasyn naýryzda qabyldaý qajet - Úkimet basshysy
ASTANA. 29 qańtar. QazAqparat /Arman Asqarov/ - Mınıstrler kabınetiniń búgingi otyrysynda QR Premer-Mınıstri Kárim Másimov halyqty áleýmettik qorǵaýdyń jańa 2020 jylǵa eseptelgen baǵdarlamasyn ázirleýdi tapsyrdy.
Osy tapsyrmany QR Eńbek jáne halyqty áleýmettik qorǵaý mınıstrligine júktegen Úkimet basshysy atap kórsetkendeı, Elbasy bergen tapsyrmalaryna sáıkes, atalǵan baǵdarlama ózdigimen jumys istep júrgen azamattardyń, jumyssyzdar men áleýmettik jaǵynan az qamtylǵandardyń múddesin qorǵaýy tıis. «Bul baǵdarlamany biz, eń aldymen, kelesi aptada ótetin mınıstrliktiń keńeıtilgen alqa májilisinde qarap, aqpannyń 7-si kúni Úkimettiń selektorlyq otyrysynda mınıstrdiń baıandamasy tyńdalady. Odan keıin baǵdarlamanyń jobasy oblys ákimderiniń qaraýynan ótýi tıis. Biz ony aǵymdaǵy naýryz aıynyń ortasyna deıin qabyldaýymyz qajet. Sol sebepti elimizdegi áleýmettik qorǵaý júıesin jetildirý boıynsha tıisti usynystardy bir aıdyń kóleminde Úkimettiń qarýyna engizýdi tapsyramyn», - dedi K.Másimov.
