Halyqty áleýmettik qorǵaý jáne turǵyn úı máseleleri Prezıdentke joldanǵan suraqtardyń aldyńǵy qatarynda
ANA. Qarashanyń 4-i. QazAqparat /Gúlmıra Álıakparova/ - Memleket basshysynyń atyna joldanǵan suraqtardyń ishinde eń kóp talqylanatyn taqyryptar reıtıngisiniń aldyńǵy ornynda - adam quqyqtary men zań talaptarynyń saqtalýy máseleleri bolsa, halyqty áleýmettik qorǵaý salasy men turǵyn úı máseleleri sanattar boıynsha qoıylǵan suraqtardyń tizimin bastap tur,
dep habarlaıdy QazAqparat.
2009 jylǵy qarashanyń 13-i kúni QR Prezıdenti N.Nazarbaevtyń halyqpen tikeleı efırde bolatyn júzdesýine saýaldardy qabyldaıtyn Baılanys ortalyǵyna osy ýaqytqa deıin barlyǵy 6667 suraq joldandy. Olardyń ishinde eń kóp qoıylǵan suraqtar - halyqty áleýmettik qorǵaý (1371), turǵyn úı jáne turǵyn úı-kommýnaldyq sharýashylyq (1280), zań jáne quqyq tártibi (605), bilim jáne ǵylym (465), bankter jáne qarjy júıesi (274), adam quqyqtary (267) men densaýlyq saqtaý (268) sanattarynda. Sondaı-aq, www.line.gov.kz saıtyna ornalastyrylǵan atalmysh salalar boıynsha suraqtar eń kóp oqylatyn taqyryptardyń qatarynda.
Jıi qaralatyn taqyryptardyń tiziminde, sondaı-aq genderlik saıasat jáne otbasy, adam quqyqtary men zań talaptarynyń saqtalýy, demografııa jáne kóshi-qon máseleleri bar.
Aımaqtar boıynsha alǵanda Atyraý oblysy (14%) , Almaty qalasy (13%), Aqmola oblysy (11%), Almaty oblysy (11%), Shyǵys Qazaqstan jáne Ońtústik Qazaqstan oblystary (8%) belsendilik tanytýda.
