Halyqtan satyp alynǵan travmatıkalyq qarýlar quqyq qorǵaý organy qyzmetkerlerine beriledi
ASTANA. QazAqparat - Halyqtan satyp alynǵan travmatıkalyq qarýlar quqyq qorǵaý organy qyzmetkerlerine beriledi. Bul týraly búgin Senattyń jalpy otyrysynda QR Bas prokýrorynyń birinshi orynbasary Iogan Merkel málim etti. Aıta keteıik, jalpy otyrysta «Qazaqstan Respýblıkasynyń keıbir zańnamalyq aktilerine quqyq qorǵaý organdarynyń qyzmetin jáne quqyq qorǵaý qyzmetin ótkerý tártibin jetildirý máseleleri boıynsha ózgerister men tolyqtyrýlar engizý týraly» QR Zańy qabyldanǵan bolatyn.
Talqylaý barysynda I. Merkel qoldanystaǵy zańǵa sáıkes, aǵymdaǵy jyldan bastap respýblıkamyzda halyqtan travmatıkalyq qarýlardy satyp alý bastalǵanyn aıtyp ótken bolatyn. Onyń sózine qaraǵanda, atalǵan naýqanǵa bıýdjetten 2 mlrd teńgege jýyq qarajat qarastyrylǵan.
«Qazirdiń ózinde jaraqat salatyn travmatıkalyq qarýdyń 38 myń birligi alyndy. Olardyń basym bóligi qoldanýǵa ábden jaramdy. Degenmen, qoldanystaǵy zańda bulardyń joıylýǵa jatatyny kórsetilgen. Osyǵan baılanysty, biz sol qarýlardy joıyp, bıýdjet qarajatyn shyǵyndaýdyń ornyna, ondaı qarýlardy quqyq qorǵaý qyzmetkerlerine qyzmettik qarý retinde paıdalanýǵa berýdi jón sanaımyz. Zań jobasynda osyndaı ózgeristerdi usynyp otyrmyz», - dedi qujat boıynsha túsindirgen I. Merkel.
