Halyqtan 90 mln teńge jymqyrǵan tarazdyq alaıaq áıel 10 jylǵa sottalýy múmkin
TARAZ. QazAqparat – Taraz turǵyny qazaqstandyqtardan 90 mln teńge jymqyrdy, - dep habarlaıdy QazAqparat tilshisi.
Tarazdyń 40 jastaǵy turǵyny alaıaqtyq jasaý arqyly azamattarǵa 90 mıllıon teńgeden astam mólsherde zalal keltirilgeni úshin aıyptaldy, onda is boıynsha birneshe adam zardap shegýde. Bul týraly oblystyq polıtsııa departamentiniń baspasóz qyzmeti habarlady.
«Áıel jaýapty memlekettik laýazymdaǵy adamdarmen baılanysy bar ekenin aıtyp maqtana otyryp, ózin qadaǵalaý organdarynyń biriniń qyzmetkeri retinde kórsetken jáne kez kelgen zańdy máseleni aqyly túrde sheshýge ýáde bergen. Senimdi kóringen hanymnyń yqpalyna túsken adamdar oǵan aqshasyn berdi. Jábirlenýshilerdiń birin ol eki jylǵa jýyq aldap kelgen. Bul rette osy ýaqyt ishinde odan 41 mıllıon teńge alyp úlgerdi. Onyń ústine, ol jalǵyz emes, aldyn ala sóz baılasý arqyly bir top adammen birge áreket etken» delingen vedomstvo habarlamasynda.
K údiktiniń is-áreketiniń bultartpas dáleldemelerin jınaǵan tergeýshilerdiń naqty jáne úılesimdi áreketteriniń arqasynda kinásin moıyndamaǵanyna qaramastan, qylmystyq is sotqa jiberildi.
Osy qylmystyq quqyq buzýshylyqty jasaǵany úshin áıel múlkin tárkileı otyryp, bes jyldan on jylǵa deıin bas bostandyǵynan aıyrylýy múmkin.
