Halyqpen jıi kezdesip, túsinikti tilde sóılesý kerek – Ábilqaıyr Sqaqov
PAVLODAR. QazAqparat – Halyqpen jıi kezdesip, olarmen túsinikti tilde sóılesý kerek. Bul týraly Pavlodar oblysynyń ákimi Ábilqaıyr Sqaqov aıtty, dep habarlaıdy QazAqparat tilshisi.
«Barlyq ákimder turǵyndarǵa ataýly áleýmettik kómektiń jańa formatyn egjeı-tegjeıli túsindirýi tıis. Bul, birrettik naýqan bolmaýy kerek. Jergilikti gazette maqala jarııalap, odan ári umytylyp ketedi. Adamdarmen jıi kezdesip, olarmen túsinikti tilde sóılesý kerek», - dedi Pavlodar oblysynyń ákimi Ábilqaıyr Sqaqov halyqpen eseptik kezdesýinde.
Óńir basshysynyń aıtýynsha, AÁK alýshylardyń óz balalaryn tamaqpen jáne jeke gıgıena quraldarymen qamtýyn, sondaı-aq olardy mektepke daıaýrlaýǵa ketetin shyǵyndardy memleket óz moınyna alǵan. AÁK formatynyń ózgerýine baılanysty memlekettiń taǵy bir mindeti – azamattardyń turaqty tabys kóziniń paıda bolýyna jaǵdaı jasaý.
«Turǵyndardy eńbekpen qamtý – jumysymyzdyń taǵy bir basymdyǵy. Biz shaǵyn jáne orta bıznesti belsendi damytýymyz qajet», - dedi Á.Sqaqov.
Avtory Anton Gagarın
