Halyqpen baılanys deńgeıi tómen bıznes nysandarynyń jumys ýaqytyn shekteý alynyp tastalady
NUR-SULTAN. QazAqparat - Vedomstvoaralyq komıssııa halyqpen baılanys deńgeıi tómen bıznes nysandarynyń jumys ýaqyty boıynsha shekteýdi alyp tastady, dep habarlaıdy QazAqparat.
«2020 jylǵy 21 qarashadan bastap qyzmeti kelýshilermen tikeleı baılanysty emes kásipkerlik sýbektileriniń jumys ýaqyty boıynsha shekteý alynyp tastalady: avto ekspress (tamaqty ózimen birge alyp ketý), kólik jýý, avtomobılderge tehnıkalyq qyzmet kórsetý jáne jóndeý stansalary, tigin sheberhanalary, turmystyq tehnıka, aıaq kıim, telefon, kompıýter, saǵat jóndeý, kir jýý jáne hımııalyq tazalaý ortalyqtary», delingen VAK sheshiminde.
Komıssııa 21 qarashaǵa deıin halyqpen baılanys deńgeıi tómen bıznes nysandarynyń qosymsha tizimin daıyndaýdy tapsyrdy.
Eske sala ketsek, QR Premer-Mınıstriniń orynbasary Eraly Toǵjanovtyń tóraǵalyǵymen ótken Vedomstvoaralyq komıssııanyń otyrysynda Memleket basshysy Q. Toqaevtyń 2020 jylǵy 16 qarashadaǵy COVID-19 taralýyna qarsy is-qımyl boıynsha bergen tapsyrmalary sheńberinde naqty sharalar ázirlendi.
