Halyqqa jaqsy jaǵdaı jasap qoıý az, memleketke ıdeologııa kerek - depýtat K. Burhanov

Memleketke ıdeologııa kerek. Bul pikirin búgin QR Bilim jáne ǵylym mınıstrliginiń Memlekettik tarıh ınstıtýtynda ótken teorııalyq-ádistemelik semınar barysynda QR Parlamenti Májilisiniń depýtaty Kamal Burhanov bildirdi.

Parlament depýtatynyń aıtýynsha, ıdeologııa - kópshilik birdeı túsine bermeıtin kúrdeli jáne bir mezgilde kerekti qubylys. Ol halyqqa jaqsy ómir súrýge jaǵdaı jasalǵan, biraq ıdeologııadan jurdaı memleketterde búgin oryn alyp jatqan ahýaldardy mysalǵa keltirdi. Máselen, Lıvııa, Bahreın, Saýd Arabııasy elderinde JІÓ adam basyna shaqqanda 19 myń AQSh dollaryn quraıdy. Qazaqstanda ol kórsetkish 9 myń dollarǵa teń.

«Lıvııada adam basyna shaqqandaǵy JІÓ Qazaqstanǵa qaraǵanda eki esege kóp, memleket jergilikti halyqqa kóptegen artyqshylyqtar men jeńildikter berip keledi. Atap aıtqanda, eń arzan ne bolmasa tegin gaz ben jaryq solarda. Avtomobıl satyp alsa, memleket onyń jartysyn óz moınyna alady, al qalǵan bóligine birneshe jylǵa jeńildetilgen nesıe beredi. Lıvııanyń árbir jas otbasyna aıaqqa turyp ketý úshin memleket 60 myń AQSh dollaryn bóledi. Basqa ne kerek dep oılaısyń? Biraq bir jerde olqylyq bar degen sóz. Negizinde Lıvııa óziniń ıdeologııasyn Keńestik odaq ydyraǵannan keıin joǵaltyp aldy. Halyqtyń jaǵdaıyn jasap qoısań, olar beıbitshilikte ómir súre beredi degen uǵym qate. Ony Lıvııa men Bahreın kórsetti. Memleketke ıdeologııa kerek», - dedi ol.

Sondaı-aq depýtat atap kórsetkendeı, Qazaqstan halqy qurǵaq ıdeologııamen ǵana ómir súrip otyrǵan joq. JІÓ-niń adam basyna shaqqandaǵy 9 myń AQSh dollar kórsetkishi jas memleket úshin úlken jetistik. Qazaqstan Bolgarııa men Rýmynııadan ozyp, Polshanyń kórsetkishine jaqyndady. «ıAǵnı biz Shyǵys Eýropa elderimen teńesýdiń bel ortasyna jettik. Kishigirim elderdi biz áldeqashan artta qaldyrdyq. Al kórshi Qyrǵyzstan men Ózbekstandy ózimizben salystyrmaımyz da. Biz Shyǵys Eýropamen «oıynshymyz», - dedi K.Burhanov.

Parlament ókiliniń sózine qaraǵanda, ıdeologııa birneshe quramnan turady. Ol eń aldymen - teorııalyq ıdeologııa. «Sheneýnikter ıdeologııa boıynsha teorııalyq eńbekter jaza almaıdy. Onyń teorııalyq bazasyn ǵylymı elıta jasaýy kerek. Al sheneýnikter ony júzege asyrý úshin jobalar men baǵdarlamalar jasaıdy», - dep naqtylady ol.

Semınarǵa qatysýshylardyń áńgimeleri jalpy «qazaqstandyq qoǵamdy toptastyrý, ony qamtamasyz etý joldary men mehanızmderin izdeý» taqyryby aınalasynda órbidi. Óz pikirin ortaǵa salǵan Memleket tarıhy ınstıtýtynyń dırektory Aıaǵan Búrkitbaı, búgingi kúni Soltústik Afrıkada, Eýropa men Azııanyń birqatar elderinde bolpy jatqan ahýaldar, Qazaqstan qoǵamyna odan saıyn birige túsý, toptasa túsý qajettigin kórsetti. Onyń oıynsha, Qazaqstan prezıdentin kezekten tys saılaýda qazaqstandyqtar elde myǵym aýyzbirlik pen joǵary yntymaq bar ekendigin taǵy bir dáleldedi.