Halyqqa tumaýǵa qarsy ekpe jasaıtyn oryndardyń tizimi - Astana

Atap aıtqanda, № 1, 2, 3, 4, 5, 6, 7 jáne 8 qalalyq emhanalar, sondaı-aq, «Open Clinic», «Medıker», «MedLaın», «Farmakom» JShS, «Intertıch» SDA, «Medıkal Assıstans Astana», «Le bonne sante», «Arhımedes Qazaqstan» medıtsına ortalyqtary, dep habarlaıdy astana.kz Densaýlyq saqtaý basqarmasyna silteme jasap.

Ekpe alý úshin 1 jeltoqsanǵa deıin jeke kýálikpen joǵaryda atalǵan kez-kelgen medıtsına uıymynyń tirkeý bólimine júginý kerek. Ýaqytynda ekpe alý tumaýdan saqtanýdyń tıimdi sharasy bolyp tabylady. Aıta keteıik, ekpe alǵandar arasynda tumaýǵa shaldyǵý oqıǵalary birneshe esege azaıady nemese jeńil formada ótedi. Ekpe alýdyń basty maqsaty - aýrýdyń asqyný saldarynyń aldyn alý bolyp tabylady. Budan basqa, qazirgi vaktsınalar tómen reaktogendi jáne balalar men eresekterde tumaýdyń aldyn alýǵa baǵyttalǵan. Immýnıtetti qalyptastyrý úshin kem degende 14 kún qajet. Qazaqstanda 3 vaktsına tirkelgen - «Vaksıgrıpp» (Frantsııa), «Inflıývak» (Nıderlandy), «Flıýarıks» (Germanııa). Atalǵan preparattar tıimdi jáne qaýipsiz bolyp sanalady, pandemııalyq jáne maýsymdyq tumaýdyń tsırkýlıatsııalyq shtammdaryn eskere otyryp jasalǵan.