Halyqqa syılyq jasaýdy Qazaqstan Prezıdentinen úırený kerek - Savchenko

ASTANA. QazAqparat - Halyqqa syılyq jasaýdy Qazaqstan Prezıdentinen úırený kerek. Mundaı pikirdi búgin TMD-nyń astanalary men iri qalalarynyń halyqaralyq assambleıasynyń 25-shi sessııasy barysynda «TMD-nyń ekonomıkalyq damýy iskerlik ortalyǵy» kommertsııalyq emes seriktestiginiń bas dırektory Vladımır Savchenko bildirdi, dep habarlaıdy QazAqparat.

«Osydan 25 jyl buryn dál osy elde, Almatyda Táýelsiz memleketter dostastyǵyn qurý týraly shartqa qol qoıylǵan endi. Al búgin biz salynǵanyna ne bári 19 jyl ǵana bolǵan qalada bas qosýdamyz. Bul qala QR Prezıdentiniń ıdeıasymen jáne basshylyǵymen salyndy.  Bul adam qysqa ǵana ýaqyttyń ishinde óz memleketiniń bedelin álemdik bıikke kótere aldy», - dedi ol.

Sonymen qatar ol Birikken Ulttar Uıymy 29 tamyzdy jyl saıyn ıadrolyq qarýsyzdaný  kúni retinde atap ótetindigin jáne bul da Qazaqstan Prezıdenti Nursultan Nazarbaevtyń eren eńbegi ekendigin basa aıtty. Taıaýda ǵana elimizde TMD elderiniń zııandy qaldyqtardy joıý  máselelerine arnalǵan sessııasy da ótkendigin eske saldy.

«Al búgin qalalardy basqarý boıynsha jańa basqarýshylyq qurylymdardy qurý, halyq úshin zamanaýı jaıly baspanalar salý máselelerin talqylamaqpyz. Biz ózimizge syılyq jasaýda Qazaqstan Prezıdentiniń halyqqa, ózi úshin qymbat respýblıkaǵa qalaı syılyq jasaıtynynan úırenýimiz kerek», - dedi Vladımır Savchenko.