Halyqqa satylatyn kómir baǵasynyń zańsyz ósýine jol bermeý kerek - Atamqulov
«Jalpy jylytý maýsymyna daıyndyq bekitilgen josparǵa sáıkes júrip jatyr jáne mınıstrliktiń turaqty baqylaýynda. Aldaǵy jylý berý maýsymyna ýaqytyly daıyndalý maqsatynda ákimdikter belgilengen merzimde bilim, densaýlyq saqtaý obektilerin, turǵyn úılerdi jáne eldi mekenderdiń ınjenerlik ınfraqurylymyn daıyndaý boıynsha barlyq jóndeý jumystarynyń oryndalýyna baqylaýdy qamtamasyz etýi qajet», - dedi mınıstr.
Sonymen qatar jergilikti atqarýshy bılik kómir tapshylyǵyn boldyrmaý maqsatynda kómir jetkizýshilerimen belsendi ózara is-qımyl jasaýy tıis.
«Monopolııaǵa qarsy vedomstvonyń aýmaqtyq bólimshelerin tartý arqyly kommýnaldyq-turmystyq qajettilikter men turǵyndar úshin kómir baǵasynyń zańsyz ósýin boldyrmaý kerek. Derbes qazandyqtar úshin otyndy ýaqtyly daıyndaý jáne qolda bar debıtorlyq bereshekti óteý boıynsha is-sharalar qabyldaýy tıis»,- dedi Beıbit Atamqulov.
