Halyqqa qyzmet kórsetý ortalyqtarynyń jumys ýaqyty uzardy

ASTANA. QazAqparat – Elimizde halyqqa qyzmet kórsetý ortalyqtarynda jumys ýaqytynyń uzarý sebebi túsindirildi, dep habarlaıdy QazAqparat tilshisi.

Halyqqa qyzmet kórsetý ortalyqtarynyń jumys kestesiniń nelikten ózgergenin «Azamattarǵa arnalǵan úkimet» memlekettik korporatsııasynyń qoǵammen baılanys jónindegi basqarýshy dırektory Narıman Dúısekeev túsindirip ótti.

«Klıentter halyqqa qyzmet kórsetý ortalyqtarynda jumys ýaqytyn arttyrýdy burynnan surap keledi. Onyń ishinde mamandandyrylǵan halyqqa qyzmet kórsetý ortalyqtary da bar. Sebebi azamattar jumys kúnderi memlekettik qyzmetterdi alyp úlgermeı jatady. Osyǵan oraı bizdiń korporatsııa klıentterge yńǵaıly bolý úshin kúndelikti jumys ýaqytyn saǵat 20.00-ge deıin uzartty. Sondaı-aq, senbi kúni saǵat 13.00-ge deıin jumys isteıdi. Odan bólek, osy aptadan bastap mamandandyrylǵan qyzmet kórsetý ortalyqtary jumysyn qaıta jandandyrdy», - deıdi ol.

Onyń aıtýynsha, endi qazaqstandyqtar úshin júrgizýshi kýáligin alý, kólik tirkeý, sondaı-aq memlekettik nómir alý qyzmeti senbi kúni de qoljetimdi.

Aıta keteıik, halyqqa qyzmet kórsetý ortalyqtarynyń jumys kestesi jáne mekenjaıyn «Azamattarǵa arnalǵan úkimet» memlekettik korporatsııanyń resmı saıtynan bilýge bolady.