Halyqqa qyzmet kórsetý ortalyqtarynyń 900-ge jýyq qyzmetkeri kásibı jaramdylyqtaryn dáleldeı almady
ASTANA. 10 shilde. QazAqparat - Attestatsııaǵa HQKO-nyń 3100 qyzmetkeri qatysyp, solardyń ishinde 2201 qyzmetker kásibı jaramdylyǵyn dáleldedi.
Bul jaıynda QR Kólik jáne kommýnıkatsııa mınıstrliginiń baspasóz qyzmeti habarlap otyr.
Esterińizge salyp óteıik, kompıýterlik testileý barysynda attestatsııadan ótýshiniń QR zańnamasyn, memlekettik qyzmetterdi kórsetýdiń standarttary men reglamentterin bilý deńgeıi tekserildi.
Attestatsııa qorytyndysynda qyzmetkerlerdiń 29 paıyzy memlekettik qyzmet kórsetýlerdiń standarttary men normatıvtik-quqyqtyq bazany jáne reglamentteıtin qujattardy tolyq bilmeıtini anyqtaldy.
Bunyń aldynda habarlaǵanymyzdaı, aýqymdy attestatsııalaý QR Kólik jáne kommýnıkatsııa mınıstrliginiń bastamasy boıynsha halyqqa qyzmet kórsetý ortalyqtarynan memlekettik qyzmetterdi alý barysynda azamattardy ári sapaly, ári kásibı qyzmet kórsetýmen qamtamasyz etý maqsatynda uıymdastyrylǵan bolatyn.
Attestatsııadan ótkizý protsesine «HQKO»RMK qyzmetkerleri, «Nur Otan» HDP-nyń jáne «Qazaqstannyń Azamattyq Alıansy» ZTB-niń ókilderi jergilikti jerlerde baqylaý júrgizdi. Sondaı-aq, Memlekettik qyzmetterdi avtomattandyrý jáne HQKO qyzmetin úılestirý komıtetiniń Ahýaldyq ortalyǵynyń tehnıkalyq múmkindikterin paıdalaný arqyly Astanadan onlaın tártibinde baqylaý júrgizildi.
