Halyqqa qyzmet kórsetý ortalyqtaryndaǵy uzyn-sonar kezektiń sebebi aıtyldy
NUR-SULTAN. QazAqparat – Elordadaǵy mamandandyrylǵan halyqqa qyzmet kórsetý ortalyǵynyń basshylyǵy karantın kezindegi uzyn-sonar kezekke qatysty mán-jaıdy aıtyp berdi, dep habarlaıdy QazAqparat tilshisi.
«Búginde koronavırýs jaǵdaıyna jáne bizdiń jumys ýaqytymyzdyń qysqartylýyna baılanysty kezek máselesi ózekti bolyp tur. Karantınge baılanysty qazir saǵat 09:00-den 15:00-ge deıin ǵana jumys isteımiz. HQKO-nyń qyzmetine júginýshilerdiń sany óte kóp, osyǵan baılanysty qyzmetkerlerimizdiń sanynda arttyrdyq. Buǵan qyzmetti kezekpen aldyn ala brondaý arqyly ǵana alý múmkin boldy, endi kelýshilerdiń sany kóp bolýyna baılanysty tikeleı kelgenderdi de qabyldan jatyrmyz. Ózderińiz kórip turǵandaryńyzdaı tutynýshylar óte kóp», - dedi Nur-Sultan qalasy mamandandyrylǵan halyqqa qyzmet kórsetý ortalyǵynyń bólim basshysy Dáýlet Dúısenbekov.
Bólim basshysynyń aıtýynsha, mamandandyrylǵan halyqqa qyzmet kórsetý ortalyǵyndaǵy qazirgi basty másele jumys ýaqytynyń azdyǵynan úlgermeýshilik.
«Bizde onlaın kezekke turý boıynsha da problema týyndady. Buryn bir adam 10 kúnge deıin kezekti aldyn ala brondap qoıatyn. Ýaqyt óte kele munyń tıimsizdigin baıqap, endigi ýaqytta bir adam bir kúnge ǵana kezek brondaı alatyn qyldyq. Al eger qyzmetti sol kúni almasa, erteńgi kúnge qaıta kezekke turý kerek bolady. Osy sharadan keıin halyqqa qyzmet kórsetý ortalyǵynyń jumysy birqalypqa túse bastady. Bronsyz qyzmet alý múmkindigin jasaǵan soń kelýshilerdiń sany da artty. Qazir kúnine 1400-1500-ge deıin qujat qabyldaýdamyz, al buǵan deıin kúnine 600-700 qujat qabyldaıtynbyz. Munyń keri áseri de bar. Óıtkeni bizdiń qyzmetkerlerimiz úlgermeýimen qatar aýyryp qalypta jatyr. Osy kúnge deıin 35 qyzmetker aýrýyp, qaıta jumysqa qosyldy», - dedi ol.
Buǵan deıin QR Sybaılas jemqorlyqqa qarsy is-qımyl agenttigi tarapynan HQKO-nyń jumysyna qatysty shaǵymnyń kóptep túsip jatqandyǵyn habarlaǵan bolatynbyz.
Jemqorlyqpen kúres organdary mamandandyrylǵan HQKO-ny tekseredi. Sondaı-aq, QR Tsıfrlyq damý, ınnovatsııalar jáne aeroǵarysh ónerkásibi mınıstriniń mindetin atqarýshy, birinshi vıtse-mınıstr Baǵdat Mýsın mamandandyrylǵan halyqqa qyzmet kórsetý ortalyqtaryǵady jemqorlyqpen kúrestiń jańa tásilin usyndy.
