Halyqqa qyzmet kórsetý ortalyqtary shtattyq rejımde jumys isteýde
NUR-SULTAN. QazAqparat –Halyqqa qyzmet kórsetý ortalyqtarynyń jumys ýaqyty ózgergen joq, dep habarlaıdy QazAqparat tilshisi.
Keshe birqatar messendjer arqyly 17 naýryzdan bastap elimizdegi halyqqa qyzmet kórsetý ortalyqtary, sonyń ishinde avtokólik júrgizýshilerine arnalǵan mamandandyrylǵan halyqqa qyzmet kórsetý ortalyqtary jumysyn toqtatatyny týraly aqparat tarady.
Osy máselege qatysty QazAqparat tilshisine «Azamattarǵa arnalǵan úkimet» korporatsııasynyń qoǵammen baılanys departamentiniń basshysy Murat Jumanbaı jaýap berdi.
«Elimizde halyqqa qyzmet kórsetý ortalyqtary shtattyq rejımde jumys istep jatyr. Qyzmetkerlerge qatysty medıtsınalyq maska taǵý, antıseptıkter qoldaný, qoldy jıi jýý sııaqty koronavırýstan qorǵaný is-sharalary qabyldanýda. Ázirge jumys ádettegideı tańǵy 9:00-den keshki 20:00-ge deıin jalǵasýda», - deıdi Murat Jumanbaı.
