Halyqqa qyzmet kórsetý ortalyqtary karantın kezinde jumysyn jalǵastyrady
«Halyqqa qyzmet kórsetý ortalyqtarynyń jabylatyndyǵy týraly jalǵan aqparattyń taralýyna baılanysty qyzmet alýǵa júginetin azamattardyń sany kúrt ósti. Azamattardy dúrbeleńge berilmeýge shaqyramyz. Vedomstvoaralyq komıssııanyń sheshimimen HQO-lar shekteý sharalary engizilgennen keıin de sanıtarlyq jáne dezınfektsııalyq talaptardy saqtaı otyryp, óz jumysyn jalǵastyrady», - delingen taratylǵan aqparatta.
Korporatsııa málimetinshe, qolaısyz epıdemıologııalyq jaǵdaıdy eskere otyryp, halyqqa qyzmet kórsetý ortalyqtarynda qorǵanys sharalary qabyldanǵan. Front-ofıs ǵımarattarynda azamattardyń jınalýyn boldyrmaýǵa baǵyttalǵan jumystar qolǵa alynǵan.
«Búginde oblys ortalyqtarynyń, respýblıkalyq mańyzy bar qalalardyń jáne keıbir aýdan HQO-larynda qyzmetterdi tek aldyn ala bron jasaý arqyly ǵana alýǵa bolady. Muny egov.kz portaly, eGovKzBot2.0 telegram-botynyń kómegimen nemese 1414 qysqa nómirine qońyraý shalý arqyly jasaýǵa bolady. Halyqqa qyzmet kórsetý ortalyqtarynda elektrondy úkimet portalynda qoljetimsiz, tek «qaǵaz» qyzmetter (100-den astam qyzmet) kórsetiledi. Munyń bári azamattardyń kóptep jınalýyn boldyrmaýǵa jáne vırýs juqtyrý qaýpin azaıtýǵa baǵyttalǵan. Osyǵan baılanysty, qazaqstandyqtarǵa, múmkindikterinshe, HQO-ǵa barýdan bas tartýǵa jáne balama ádisterdi qoldana otyryp, qyzmetterdi onlaın alýǵa keńes beremiz, ıaǵnı. egov.kz portalyn, eGovMobile mobıldi qosymshasyn nemese eGovKzBot2.0 telegram-botyn qoldanýǵa shaqyramyz. Jaqyndaryńyz ben óz densaýlyǵyńyzǵa saq bolyńyz«, - dep eskertedi korporatsııadan.
Jumys isteıtin Halyqqa qyzmet kórsetý ortalyqtarynyń tizimin myna siltemeden kóre alasyzdar.