Halyqqa qyzmet kórsetý ortalyqtary birqatar shekteýmen jumysyn bastady
Atap aıtqanda, elordada Máńgilik el, 30 mekenjaıynda ashylǵan jalǵyz ǵana HQO shaǵyn jáne orta bıznes sýbektilerine ǵana qyzmet kórsetetin bolady. Onymen qosa, kásipkerler ákimdiktiń aldyn ala usynǵan tizimi boıynsha qabyldanady. Olar bıznesti júrgizýmen baılanysty qyzmetterdi, sonyń ishinde jyljymaıtyn/jyljymaly múlikti kepilge qoıý shartyn jáne onyń qosymshasyn tirkeý qyzmetterin ala alady.
Sondaı-aq astanada jumysyn bastaǵan bir Mamandandyrylǵan HQO tek avtokólik salondaryna qyzmet kórsetedi.
Memlekettik qyzmetterdi sapaly jáne ýaqytyly usyný úshin «Azamattarǵa arnalǵan úkimet» kásipkerlerge qujattardyń tolyq paketin aldyn ala ázirlep, usynýdy suraıdy. HQO-lardyń jumys kestesi - 09:00-den 17:00-ge deıin.
4 mamyrdan HQO-lar Aqmola, Aqtóbe, Atyraý, Soltústik Qazaqstan jáne Túrkistan oblystarynda ashyldy. Olar da tek shaǵyn jáne orta bızneske qyzmet kórseteti.
Al Oral, Qaraǵandy jáne Aqtaý qalalarynda jeke tulǵalar úshin halyqqa qyzmet kórsetý ortalyqtary jumysyn jandandyrdy. «Biraq koronavırýs pandemııasyna baılanysty, onda tek onlaın túrde qoljetimsiz qyzmetter boıynsha qyzmet alýǵa bolady. Bul rette elektrondy úkimet portaly nemese 1414 biryńǵaı baılanys ortalyǵy arqyly kezek ýaqyty aldyn ala brondalýy tıis. Degenmen, zeınetkerler, kópbalaly otbasylar jáne múmkindigi shekteýli jandar elektrondyq qyzmetterdi HQO-dan ala alady. Front-ofıste olar úshin jeńildik terezesi jumys isteıdi. Sondaı-aq olar da HQO-ǵa baratyn ýaqytyn aldyn ala brondaýy kerek», - delingen aqparatta.
HQO-da kezekti
- https://egov.kz/services/SR.06/#/declaration/// saıtynda
4 mamyrda jumysyn qaıta bastaıtyn kásipkerlerge qyzmet kórsetetin HQO-lar men jeke tulǵalarǵa arnalǵan HQO-lar tizimi myna saıtta:
- https://gov4c.kz/ru/zhanalyktar/2020/04/30/keibir-aimaktarda-khko-zhumysy-kaita-zhandanady/