Halyqqa qyzmet kórsetý ortalyǵy daıyn qujattardy úıge jetkizý qyzmetin iske qosady

NUR-SULTAN. QazAqparat – Halyqqa qyzsmet kórsetý ortalyqtarynan daıyn qujattardy jetkizý jobasy búkil Qazaqstan aýmaǵynda qoljetimdi bolady. Bul týraly «Azamattarǵa arnalǵan úkimet» korporatsııasynyń basshylyǵy aıtyp berdi, dep habarlaıdy QazAqparat.

«Ótken jyly biz 16,4 mln qyzmet kórsettik. ıAǵnı, statıstıka bir qyzmetti HQKO-ǵa bir ótinish retinde esepteıdi. Іs júzinde, bir qyzmetti alý úshin klıent HQKO-ǵa ótinish berý úshin jáne nátıjeni alý úshin eki ret júginedi. Bul bólimshege qosymsha júkteme jasaıdy. Azamattardyń qaıta júginýin boldyrmaı, kezekti azaıtý maqsatynda úsh qalada – Nur-Sultan, Almaty, Shymkent qalalarynda daıyn qujattardy jetkizý qyzmeti iske asyryldy», - dedi «Azamattarǵa arnalǵan úkimet» memlekettik korporatsııasy» KE AQ Basqarma tóraǵasynyń birinshi orynbasary Súıenish Ábdildın Ortalyq kommýnıkatsııalar qyzmetinde ótken brıfıngte.

Spıker servıs mehanızmi qarapaıym ekenin túsindirdi: qujattyń daıyndyǵy boıynsha turǵynǵa biregeı siltemesi bar SMS keledi.

Silteme boıynsha ótip, mekenjaıdy kórsetip, 970 teńge tóleý qajet, qujat kúnbe-kún jetkiziletin bolady.

«Pılottyq jobanyń bir jarym aıynda 1 200-den astam qujat jetkizildi. Jaqyn arada joba búkil Qazaqstan boıynsha keńeıtiletin bolady», - dep atap ótti Súıenish Ábdildın.